Начальнік аддзела адукацыі Драгічына збіраў подпісы ў школе за Лукашэнку. Так можна?
Фота "Першы рэгіён"
У рэдакцыю інтэрнэт-выдання "Першы Рэгіён" звярнуўся жыхар Драгічына, які паведаміў, што начальнік аддзела адукацыі Драгічынскага райвыканкама Дзмітрый Ігнатчык збіраў подпісы за вылучэнне кандыдатам у прэзідэнты Аляксандра Лукашэнкі ў сярэдняй школе №2.
Карэспандэнт "Першага рэгіёна" ўдакладніў у дырэктара СШ №2 Драгічына Сяргея Сенькаўца, ці праўда, што начальнік аддзела адукацыі збіраў подпісы ў настаўнікаў у працоўны час.
Сяргей Андрэевіч растлумачыў, што подпісы Дзмітрый Ігнатчык збіраў не ў яго кабінеце, а ў настаўніцкай, і не ў працоўны час, а ў абедзенны перапынак. Начальнік аддзела адукацыі Дзмітрый Ігнатчык на пытанне журналістаў адказаў коратка: "Я не размаўляю з карэспандэнтамі".
Выходзіць, у Драгічын могуць прыехаць прадстаўнікі любых прэтэндэнтаў у кандыдаты і збіраць подпісы ў школе №2 у абедзенны перапынак?
