viasna on patreon

Пракуратура прызначыла дадатковую праверку па справе аб збіцці Яны Чуліцкай

2020 2020-03-17T22:29:00+0300 2020-03-17T17:48:28+0300 be https://spring96.org/files/images/sources/yana_chulitskaja3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Яна Чуліцкая

Яна Чуліцкая

19-гадовая Яна Чуліцкая (Яцыновіч) працягвае дамагацца пакарання для міліцыянтаў, якія жорстка затрымалі яе на Дзень волі ў 2017 годзе. Падчас затрымання тады яшчэ непоўнагадовай актывісткі адзін з міліцыянтаў моцна ўдарыў яе па галаве, і ўжо праз тыдзень у дзяўчыны пачаліся першыя прыступы эпілепсіі.

Людзі стаялі тварам да сцяны як быццам на расстрэле

Яна падрабязна распавядае пра тое, што адбылося 25 сакавіка 2017 года, і пра наступныя падзеі.

Зараз у Яны здараецца па шэсць-сем прыступаў на тыдзень, акрамя таго, у яе развілася яшчэ некалькі звязаных захворванняў. Дзяўчына кожны месяц выдаткоўвае больш за 300 рублёў на лячэнне і праз хваробу мае праблемы з працай.

Але следчыя ўпарта не хочуць бачыць узаемасувязь паміж ударамі па галаве і хваробай Яны і ўжо некалькі разоў адмаўлялі дзяўчыне ва ўзбуджэнні крымінальнай справы супраць амапаўцаў. Хоць Яна і прадставіла відэа, дзе бачна аднаго з міліцыянтаў, а таксама чутны голас таго, хто ўдарыў яе, следчыя фактычна не шукалі гэтых супрацоўнікаў.

На днях пракуратура Першамайскага раёна Мінска, куды Яна разам з адвакатам звярнулася са скаргай на адмову СК расследаваць справу, адмяніла пастанову следчых і накіравала справу назад у следчы камітэт. Наперадзе – дадатковая праверка.

Падрабязней пра жыццё Яны пасля затрымання 25 сакавіка 2017 года можна пачытаць тут: 

Збітая АМАПаўцам дзяўчына: Акрамя вас я амаль нікому не патрэбна

Тры гады таму жыццё 19-гадовай Яны Чуліцкай рэзка змянілася. Падчас затрымання на акцыі пратэсту на Дзень Волі яе моцна ўдарыў па галаве міліцыянт, і ўжо праз тыдзень у дзяўчыны пачаліся першыя прыступы эпілепсіі. Міліцыянт да гэтага часу застаецца беспакараным, а здароўе Яны на працягу гэтых трох гадоў пастаянна пагаршаецца.

Кожны жадаючы можа дапамагчы Яне Чуліцкай і перавесці любую грашовую суму на яе банкаўскую карту. Яна будзе ўдзячная за любую дапамогу ўсім неабыякавым.

Рэквізіты для збору сродкаў на лячэнне Яны Чуліцкай:

4255 2003 0230 5602

06/22

CHULITSKAYA YANA (VISA BELARUSBANK)


Навіны ад Spring96.org у Telegram. Падпішыся на наш канал https://t.me/viasna96 

Апошнія навіны

Партнёрства

Сяброўства