Ужо сёння! Запрашаем на “Зацьменне”, выставу мастака Алеся Мары Дапоўнена

2020 2020-02-19T07:48:00+0300 2020-02-19T08:47:13+0300 be http://spring96.org/files/images/sources/marachkin-2018.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Адкрыццё мастацкай выставы Алеся Марачкіна "Зацьменне" адбудзецца ў сераду 19 лютага ў Мінску. Выстава арганізаваная пры дапамозе Праваабарончага цэнтру “Вясна” і экспануецца ўпершыню на асветніцкай пляцоўцы “Тэрыторыя правоў”.

Новыя працы мастака прысвечаныя грамадска-значным падзеям апошніх гадоў і адлюстроўваюць сацыяльна-палітычную сітуацыю ў Беларусі праз уласны погляд творцы на культуру і дух беларускага народа.

Тэматыка твораў Алеся Марачкіна (Алеся Мары) прысвечаная гістарычным падзеям мінулага і сучаснасці, раскрывае багацце духоўнай культуры беларускага народа. Мастак вядомы як стваральнік партрэтаў многіх гістарычных асоб, серыі партрэтаў «Мае сучаснікі», аўтар цыклу твораў «Народныя легенды і паданні».  Сярод вядомых прац Марачкіна – «Маці Божая ахвяр Чарнобыля», «Палеская мадонна», “Плошча” і інш.

Шмат прац мастака сёння захоўваюцца ў Нацыянальным мастацкім музеі Беларусі, у музеях і прыватных галерэях Беларусі, Польшчы, Германіі, ЗША.

Пад час прэзентацыі чакаецца выступ вядомых мастакоў, прагучаць бардаўскія песні.

Дзе і калі?

Асветніцкая пляцоўка “Тэрыторыя правоў”, Мінск, вул. Ложынская 16, памяшканне 404, (ст. метро Уручча).

19 лютага, серада. Пачатак у 18-00.

Запрашаем усіх жадаючых наведаць выставу Алеся Марачкіна і паслухаць мастака. 

Уваход - вольны.

Апошнія навіны

Партнёрства

Сяброўства