Вага пасылак у калоніі, СІЗА і турмы павялічана да 50 кілаграмаў. А вага перадач?

2020 2020-02-06T08:29:38+0300 2020-02-06T11:03:31+0300 be http://spring96.org/files/images/sources/pasylka-turma-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Ілюстрацыйнае фота vturme.info

Ілюстрацыйнае фота vturme.info

Сярод сем’яў асуджаных грамадзян пакуль пануе блытаніна. Напрыклад, у адну з калоній Магілёўскай вобласці сваякам зняволеных атрымалася перадаць перадачу вагой у 46 кілаграм. Іншыя бацькі абурыліся такім выбарчым падыходам з боку калоніі, бо максімальна дазволеная вага заўсёды складала не больш за 30 кг. Часопіс аб правах чалавека MSPRING.ONLINE вырашыў разабрацца ў сітуацыі.

Умовы адбыцця пакарання ў папраўчых установах рэгламентаваны Крымінальна-выканаўчым кодэксам (КВК), дзе ёсць артыкул 84  («Атрыманне і адпраўленне асуджанымі да пазбаўлення волі пасылак, бандэроляў і дробных пакетаў, атрыманне перадач»).

У артыкуле пазначана, што максімальная вага пасылкі, бандэролі і дробнага пакета вызначаецца Правіламі аказання паслуг паштовай сувязі, якія зацвярджаюцца Саветам Міністраў Рэспублікі Беларусь.

У кантакт-цэнтры «Белпошты» нашаму карэспандэнту растлумачылі, што, сапраўды, максімальны вага пасылкі адпраўленнем па Беларусі павялічана да 50 кілаграмаў. Праўда, дзяжурная кантакт-цэнтра не змагла патлумачыць, з якога часу вага павялічана. Па яе версіі, новыя правілы пачалі дзейнічаць з лютага гэтага года.

Аднак мы знайшлі афіцыйны дакумент – пастанову Саўміна №16 ад 14 студзеня 2020 года, якая прадугледжвае змены ў аказанні паслуг паштовай сувязі агульнага карыстання з 17 студзеня гэтага года. Да яе ёсць дадатак «Гранічныя памеры і вага ўнутраных паштовых адпраўленняў» – там і прапісаны гранічная вага пасылкі 50 кг.

Такім чынам, з 17 студзеня можна было адпраўляць пасылкі асуджаным вагой 50 кг. Аднак пра гэта мала хто ведаў. Сваякі вязняў па-старому прывозілі 30-кілаграмовыя сумкі. І зараз, па сведчанні некаторых бацькоў, у іх праблема – данесці дазволеныя яшчэ 20 кг ўжо нельга. Калі пасылка прынятая, то наступная толькі па графіку ў адпаведнасці з КВК.

4 лютага наш карэспандэнт патэлефанаваў у ПУ «Турма №4» (Магілёўскае СІЗА і турма) па тэлефоне дзяжурнай службы. Дзяжурны афіцэр паведаміў, што СІЗА, як і раней, прымае пасылкі толькі да 30 кг. На заўвагу аб тым, што Белпошта павялічыла лімітавую вагу пасылак да 50 кг, ён адказаў, што ўнутры ДВП пакуль ніякіх распараджэнняў не паступала, таму яны працуюць па-ранейшаму.

Атрымліваецца, адміністрацыя СІЗА ня лічыць перадачу, прынесеную сваякамі, пасылкай? Але тады паглыбімся ў Правілы ўнутранага распарадку (ПУР) папраўчых устаноў. Пункт 113 ПУР абвяшчае: «Максімальная вага пасылак і бандэроляў вызначаецца паштовымі правіламі (вага адной перадачы не павінна перавышаць вагу адной пасылкі)».

Такім чынам, ВУ «Турма №4» ужо парушае закон. Перадачы ў 50 кілаграм павінны прымацца без затрымак.

У дзяжурных магілёўскай папраўчай калоніі №15 і шклоўскай ПК-17 даведацца пра дазволеную вагу пасылак не атрымалася. Яны заявілі, што гэтае пытанне не ў іх кампетэнцыі, і далі тэлефоны іншых аддзелаў. Дзеля эксперыменту мы патэлефанавалі па адным з іх у шклоўскую ПК-17. Аднак супрацоўніца гэтай установы таксама не змагла сказаць нічога зразумелага. «Спытаеце ў асуджанага або ў начальніка калоніі», – яе словы.

 Але на заўвагу пра новую пастанову Саўміна і новых правілах Белпошты яна адказала, што вядома, калі там прапісана 50 кг, то значыць можна 50 кг.

За каментаром мы звярнуліся да юрыста Праваабарончага цэнтру “Вясна” Паўла Сапелкі. Вось, што ён параіў рабіць:

“Максімальная вага пасылкі, бандэролі і дробнага пакета вызначаецца Правіламі аказання паслуг паштовай сувязі, якія зацвярджаюцца Саўмінам – так вызначана для асуджаных часткай 1 артыкула 84 КВК. Нядаўна Саўмін унёс змены ў Дадатак 1 да Правіл аказання паслуг паштовай сувязі агульнага карыстання. У прыватнасці, зменены гранічная вага пасылкі ва ўнутраных адпраўленнях з 30 на 50 кг, пры гэтым мінімальны і максімальны памеры засталіся ранейшымі: адпаведна мінімальны 150х240х20 мм, а максімальны па любым вымярэнні – 1050 см, сума даўжыні і найбольшым й акружнасці, узятай у любым кірунку, акрамя даўжыні – 2000 мм.

Норма КВК у дадзеным выпадку – бланкетная, яна адсылае да Правіл аказання паслуг паштовай сувязі агульнага карыстання. Ніякім міліцэйскім падраздзяленнем норма КВК тлумачыцца не можа. Гэта значыць, 50 кг – гэта дазволеная цяпер вага.

Што ж тычыцца практыкі ў ПУ «Турма №4», то трэба адразу ж пісаць скаргу ва Упраўленне ДВП, калі пасылку па-ранейшаму абмяжоўваюць 30-ю кілаграмамі».

Апошнія навіны

Партнёрства

Сяброўства