Праваабарончая праграма "Вясна" на Беларускім Радыё Рацыя
Кожны аўторак у 21:05 (паўтор у суботу ў 8:05) у эфіры незалежнай радыёстанцыі “Беларускае Радыё Рацыя” — праграма "Вясна", якая асвятляе падзеі, датычныя правоў чалавека.
Каментар эксперта: Як стваралася беларуская Канстытуцыя? І ці магла б яна быць іншай? Што пайшло не так? Пра ўсё гэта распавядзе праваабаронца з Беларускага Хельсінкскага Камітэта Гары Паганяйла, які браў удзел у яе напісанні.
Каментар: Паглядзім на сучаснае становішча ЛГБТ-людзей у Беларусі. Свае каментары дадуць ЛГБТ-актывіст Антон Завалей, даследчыца Надзея Ільюшэнка і праваабаронца Наталля Манькоўская (ініцыятыўная група "Ідэнтычнасць і права").
Асоба: Алена Маслюкова з Салігорску трыццаць гадоў працавала настаўніцай, а потым стала праваабаронцай "Вясны". Размаўляем пра асабісты шлях да праваабароны, звальненне з працы за "погляды" ды Савецкі саюз як "краіну падвоеных стандартаў", дзе дыскрымінаваліся людзі.
У музычных паўзах — кампазіцыі з новага альбома гурта Re1ikt "Дрэва жыцця".
