Гарадзенскім назіральнікам адмовілі прысутнічаць пры праверцы подпісаў
Гарадзенскім назіральнікам кампаніі "Праваабаронцы за свабодныя выбары" акруговыя выбарчыя камісіі адмовілі ў праве прысутнічаць пры праверцы сапраўднасці подпісаў у падпісных лістах, што сабралі ініцыятыўныя групы за вылучэнне прэтэндэнтаў у кандыдаты ў дэпутаты.
- Праваабаронца Віктар Сазонаў. Фота: ПЦ "Вясна"
Назіральнік Віктар Сазонаў атрымаў такую адмову з акруговай выбарчай камісіі Гродзенскай-Цэнтральнай выбарчай акругі №51 за подпісам старшыні Сяргея Рапіна. У адказе сказана, што прысутнасць назіральнікаў пры прыправерцы подпісаў Выбарчым кодексам на прадугледжана.
Адмоўны адказ іншай назіральніцы Святлане Рудкоўскай дадзены з асаблівай юрыдычнай "вытанчанасцю". Адказ за подпісам старшыні Гродзенскай-Занёманскай выбарчай акругі №49 Ірыны Мірановіч сцвярджае, што назіральніца запрашаецца на пасяджэнні акруговай камісіі, і яна гэтым правам неаднаразова скарысталася. Пры тым ідзе спасылка на артыкул 13 Выбарчага Кодэксу. Таксама ў адказе паведамляецца, што Рудкоўская запрошана на пасяджэнне камісіі, на якім будуць вызначаны парадак адбора падпісных лістоў і метады іх парверкі. А сама праверка подпісаў будзе праходзіць у так званым “працоўным парадку”.
Фактычна ў адказе назіральніцы няма прамой адмовы на прысутнасць пры праверцы сапраўднасці подпісаў, але дэ-факта да гэтай працэдуры яна не будзе дапушчана.
«Праваабаронцы за свабодныя выбары»
Навіны кампаніі ў фэйсбуку, твітэры і на Тэлеграм-канале.
