Водгукі мастацкай выставы “Мары з-за кратаў”: удзячнасць і просьба аб дапамозе

2019 2019-07-30T11:09:36+0300 2019-07-30T12:20:10+0300 be http://spring96.org/files/images/sources/pashtouki-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Лісты зняволеных да праваабаронцаў.

Лісты зняволеных да праваабаронцаў.

Конкурс мастацкіх прац зняволеных папраўчых устаноў і іншых месцаў несвабоды “Мары з-за кратаў”, які быў арганізаваны праваабаронцамі "Вясны”, выклікаў вялікую цікавасць у месцах пазбаўлення волі. На адрас ПЦ “Вясна” і дагэтуль прыходзяць лісты, у якіх выказваюцца словы падзякі і пажаданні надалей праводзіць такія конкурсы.

З папраўчай калоніі №8 піша Сяржук Лявончыкаў:

“Гэта вельмі добрая справа, глыток свежага паветра і магчымасць, каб нашыя працы ўбачылі па за дротам. Выкажу пажаданнеі  не толькі асабістае -  калі ласка, ладзьце яшчэ падобныя выставы, вызначайце тэмы, накірунак і мы будзем маляваць і ўдзельнічаць у конкурсе.”

Алег Савенкоў піша з папраўчай калоніі №20 аб тым, што любіць маляваць усялякія мульцяшкі і цікавыя мініятуркі: “І тут у лагеры усім малюю на лісты і паштоўкі, каб яны маглі парадваць сваіх блізкіх”.

Дарэчы, мае ён і просьбу да добрых людзей.

Паколькі Алег з’яўляецца сіратой і не мае магчымасці набываць віншавальныя паштоўкі, то просіць па магчымасці даслаць яму некалькі розных паштовак, пажадана з Днём народзінаў.

Для тых, хто мае жаданне  дапамагчы зняволенаму, ніжэй змяшчаем ягоны адрас:

247755, Гомельская вобласць, Міхалкоўскі с\с-70, ПК – 20, брыгада 62. Алегу Савенкову.


 Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства