viasna on patreon

Суд вызваліў Аюба Ціціева ўмоўна-датэрмінова Дапоўнена

2019 2019-06-10T17:44:32+0300 2019-06-11T16:12:54+0300 be https://spring96.org/files/images/sources/titiev-sud-18.03-5.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Аюб Ціціеў. Фота з тэлеграм-канала ПЦ "Мемарыял"

Аюб Ціціеў. Фота з тэлеграм-канала ПЦ "Мемарыял"

Суд па ўмоўна-датэрміновым вызваленні Аюба Ціціева адбыўся 10 чэрвеня ў 16:30.

Як паведамляе ПЦ "Мемарыял" у сваім тэлеграм-канале, падтрымаць Аюба Ціціева прыехалі родныя і калегі. Таксама прысутнічаюць СМІ. Падтрымаць Аюба прыехаў і Жалаудзі Герыеў - карэспандэнт Каўказскага вузла, які быў таксама асуджаны па "наркатычным" артыкуле і выйшаў на свабоду 30 красавіка.

Суддзя Ась-Салял Кульчыеў задаволіў хадайніцтва Оюба аб УДВ, рашэнне ўступіць у сілу праз 10 дзён.

Разгляд хадайніцтва кіраўніка грозненскага прадстаўніцтва Праваабарончага цэнтра «Мемарыял» Аюба Ціціева аб умоўна-датэрміновым вызваленні павінен быў адбыцца яшчэ 31 траўня ў Аргунскай калоніі, дзе ўтрымліваецца праваабаронца. Але на пачатку пасяджэння пракурор паведаміў, што «занадта позна атрымаў характарызуючыя матэрыялы» на Ціціева. Разгляд быў адкладзены.

Нагадаем, Аюба Ціціева асудзілі ў сакавіку па артыкуле 228 КК (захоўванне наркотыкаў) і пакаралі чатырма гадамі калоніі-пасялення. 15 траўня ён падаў хадайніцтва аб УДВ.

Праваабаронцы лічаць, што Аюба пасадзілі за ягоную праваабарончую працу.

Усе навіны па справе Аюба Ціціева

9 студзеня 2018 года ў Чачэнскай рэспубліцы быў затрыманы праваабаронца Аюб Ціціеў. У яго машыну падкінулі наркотыкі, самога яго арыштавалі, а ў ліпені пачалося судовае разбіральніцтва.


Падобная сітуацыя склалася і з журналістам «Медузы» Іванам Галуновым. 6 чэрвеня яго затрымалі, таксама падкінулі наркотыкі і абвінавацілі ў замаху на збыт наркотыкаў у буйным памеры на падставе ч. 4 арт. 228 КК РФ.

golunov.jpg
Іван Галуноў. Фота з сайта meduza.io

Яму пагражае ад 10 да 20 гадоў пазбаўлення волі. Суд абраў меру стрымання для Івана ў выглядзе хатняга арышту.

Адзінкавыя пікеты ў салідарнасць з затрыманым працягваюцца ў Маскве вось ужо чацвёрты дзень. Калегі Івана лічаць, што крымінальны пераслед звязана з яго журналісцкімі расследаваннямі, і плануюць завяршыць расследаванне, з-за якога яго пераследуюць.

Беларускія журналісты і праваабаронцы "Вясны" таксама выказваюць салідарнасць з Іванам Галуновым і заклікаюць расейскія ўлады спыніць яго пераслед.

Апошнія навіны

Партнёрства

Сяброўства