viasna on patreon

У Крупках жорстка затрымалі мастака Алеся Пушкіна Відэа Дапоўнена

2019 2019-06-06T19:20:00+0300 2019-06-07T11:38:47+0300 be https://spring96.org/files/images/sources/pushkin-krupki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Алесь Пушкін. Скрыншот з відэасюжэту.

Алесь Пушкін. Скрыншот з відэасюжэту.

У 220-ю гадавіну нараджэння расійскага паэта Аляксандра Пушкіна ягоны беларускі цёзка мастак Алесь Пушкін зладзіў перформанс супраць дыскрымінацыі беларускай мовы і русіфікацыі, перадае «Радыё Свабода».

6 чэрвеня Алесь Пушкін выйшаў да крамы сеткі «Еўраопт» у цэнтры Крупак з плакатамі «Беларусь у NATO», «Russia — war!» («Расія — вайна»), «Stop russian agression on Europe» і інш.

Пратэстнай пляцоўкай стала крама «Еўраопт» у горадзе Крупкі Мінскай вобласці, у якой 8 траўня ў Пушкіна адбыўся інцыдэнт на моўнай глебе, там яго адмовіліся абслугоўваць па-беларуску.​

Праз паўгадзіны да Пушкіна выйшаў ахоўнік крамы і спрабаваў справакаваць яго на канфлікт. Неўзабаве пад’ехала міліцыя. Міліцыянты канфіскавалі ўсе плакаты і сцяг мастака і спрабавалі яго затрымаць, але Пушкін супраціўляўся, тады некалькі міліцыянтаў сілай пацягнулі яго ў міліцэйскую машыну.   

Блогер Шэры Кот змясціў перфоманс і затрыманне Алеся Пушкіна на сваім ютуб-канале: "Ветлівы зялёны чалавечак супраць расейскага хамства".

Апошнія навіны

Партнёрства

Сяброўства