Берасце: Некалькі праціўнікаў завода АКБ правялі па тры гадзіны ў пастарунку

2019 2019-04-22T07:29:41+0300 2019-04-23T16:07:54+0300 be http://spring96.org/files/images/sources/samasiuk-berascie.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
У цэнтры выконваючы абавязкі начальніка Ленінскага РАЎС Мікалай Самасюк. Фота: Берасцейская Вясна,

У цэнтры выконваючы абавязкі начальніка Ленінскага РАЎС Мікалай Самасюк. Фота: Берасцейская Вясна,

У Ленінскім РАЎС Берасця 21 красавіка на Людмілу Карчэўскую, Адяксандра Казлянку, Аляксандра Марачэўскага, Ірыну і Эдуарда Сіліцкіх склалі пратаколы адміністратыўнага правапарушэння паводле арт. 23.34 за выказванне “грамадзка-палітычных думак...” падчас акцый пратэста супраць завода АКБ. Як паведамляе “Берасцейская Вясна”, яшчэ ў аднаго грамадзкага актывіста, Уладзіміра Мароза, узялі пратакол-апытанне.

А 14-ай гадзіне ўсіх выпусцілі папярэдзіўшы, каб чакалі на позвы ў суд...

Нагадаем, сваякам і знаемым адміністратыўна затрыманых актывістаў 12 і 14-га красавіка, якія прыйшлі сустрэць затрыманых, намеснік начальніка Ленінскага РАУС загадаў дзяжурнаму выдаць позвы.

Праваабаронца Уладзімір Малей з гэтай нагоды сустрэўся з кіраўніком абласнога УУС генералам Астрэйка.

Той выслухаў і сказаў: "Я вас зразумеў".

Мабыць таму затрыманняў апошнія дні не было, але тым, хто прыйшоў па позве ў РАУС выдалі чарговыя позвы на гэту нядзелю, большасці на 11 гадзін. Вядома, каб не пайшлі на "кармленне галубоў".


  Навіны ад Spring96.org у Telegram. Падпішыся на наш канал https://t.me/viasna96

Апошнія навіны

Партнёрства

Сяброўства