viasna on patreon

Што вядома пра Паліенку? Абвінавачванне не прад’яўленае, актывіста перавялі ў Жодзіна

2019 2019-04-02T07:43:20+0300 2019-04-02T07:43:19+0300 be https://spring96.org/files/images/sources/palienka2019.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Дзмітрый Паліенка. Фота ПЦ "Вясна"

Дзмітрый Паліенка. Фота ПЦ "Вясна"

Былому палітвязню Змітру Паліенку, затрыманаму  20 сакавіка па падазрэнні ў здзяйснення злачынства па ч. 3 арт. 339 КК (“Асабліва злоснае хуліганства”) дагэтуль не праўяўлена абвінавачванне. Пасля затрымання на 10 сутак, якія ён правёў у Ізалятары часовага ўтрымання актывіста перавялі ў Жодзінскае СІЗА. Пра гэта стала вядома Радыё Свабода са слоў сяброўкі актывіста Насты Гусевай.

У Следчым камітэце БелаПАН заявілі, што пачалі крымінальную справу паводле заявы менчука, які сцвярджаў, што Паліенка нібыта распыліў яму ў вочы пярцовы газ. Тэрмін утрымання падазронага Паліенкі пад вартай без выстаўлення абвінавачання скончыўся 30 сакавіка.

Адносна далейшага ўтрымання Зьмітра Паліенкі прадстаўнік СК спаслаўся на 118 артыкул Крымінальна-працэсуальнага кодэксу, які дазваляе па рашэнні следчага трымаць падазронага пад вартай больш за 10 дзён без выстаўлення абвінавачання.

Нагадаем, Зміцера Паліенка брутальна затрымалі ў сваёй кватэры раніцай 20 сакавіка па падазрэнні ў здзяйснення злачынства па ч. 3 арт. 339 КК (“Асабліва злоснае хуліганства”), а менавіта ў тым, што ён распыліў пярцовы балончык у твар мужчыне ў пад’едзе жылога дому, дзе актывіст чакаў знаёмага.

Зміцер Паліенка аб'явіў галадоўку

Былы палітвязень Паліенка пры гэтым вылучыў адміністрацыі ізалятара наступныя патрабаванні: рэгулярнае аказанне медычнай дапамогі, забяспячэнне свабоды перапіскі і выдача асадкі.

Апошнія навіны

Партнёрства

Сяброўства