viasna on patreon

Андрэй Павук заявіў пракурору вобласці пра самавольства мясцовых сышчыкаў

2019 2019-04-01T07:54:15+0300 2019-04-01T07:54:14+0300 be https://spring96.org/files/images/sources/pauk-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрэй Павук. Фота з сацыяльных сетак

Андрэй Павук. Фота з сацыяльных сетак

Блогер з райцэнтра Акцябрскі Андрэй Павук абскардзіў 30 сакавіка пракурору вобласці сваё затрыманне па падазрэнні ў ілжывым мініраванні мясцовага райвыканкама. Пракурор Кастрычніцкага раёна Андрэй Лявончык прызнаў яго затрыманне і канфіскацыю падчас ператрусу аргтэхнікі законнымі.

У скарзе, як паведамляе "Гомельская Вясна", адрасаванай пракурора вобласці Віктара Марозава вядомы блогер заявіў аб арганізаванай правакацыі, скіраванай на завалоданне яго аргтэхнікай і іншымі носьбітамі інфармацыі.

- Па іх версіі, 20 сакавіка я наўмысна, з мэтай прыняцця мер рэагавання з боку дзяржаўных органаў, здзейсніў заведама ілжывае электроннае паведамленне на электронную пошту абласнога МНС пра тэрарыстычны акт супраць мясцовага райвыканкама. Значыць, у сышчыкаў павінен быць як мінімум скрыншот электроннага паведамлення, якое паказвае дакладнае, да секунды, час яго адпраўлення. У пастанове аб маім затрыманні час адпраўлення электроннага паведамлення паказана «каля 9.00 - 9.30 гадзін», а раённы пракурор гэтага не бачыць. Пракурор раёна паказвае, што я быў затрыманы, паколькі меліся дастатковыя падставы падазраваць мяне ў здзяйсненні злачынства, але пры гэтым замоўчвае, што я не спрабаваў уцячы з месца злачынства, я маю сталае месца жыхарства, мая асоба ўсталяваная. Калі, як піша пракурор, у следства меліся падставы падазраваць мяне ў злачынстве, тады куды яны падзеліся праз пяць гадзін пасля майго затрымання, калі мяне адпусцілі? - здзіўляецца блогер.

Заяўляючы аб адвольнасці свайго затрымання па падазрэнні ў здзяйсненні злачынства, Андрэй Павук просіць пракурора вобласці правесці пракурорскую праверку, прызнаўшы яго затрыманне незаконным, а таксама абавязаць міліцыю неадкладна вярнуць канфіскаваную аргтэхніку (відэакамера, мабільнік, планшэт і два сістэмнікі).

Андрэй Павук - вядомы беларускі видеоблогер і сябра ГА "Беларуская асацыяцыя журналістаў". Ён вядзе ў сацсетках блог "Рудабельская паказуха", у якім крытыкуе мясцовую ўладу.

Апошнія навіны

Партнёрства

Сяброўства