viasna on patreon

Галасуе Украіна: Фотарэпартаж "Вясны" з участка Пятра Парашэнкі Фота

2019 2019-03-31T18:31:00+0300 2019-04-03T11:47:10+0300 be https://spring96.org/files/images/sources/ua_vybary_2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння, 31 сакавіка, ва Украіне праходзіць першы тур выбараў прэзідэнта, удзел у якім бяруць 39 кандыдатаў. Гэта рэкордная колькасць кандыдатаў за ўсю гісторыю Украіны.

ua_vybary_2.jpg
Выбаршчыца на выбарчы ўчастак №800588 у Кіеве знаёміцца са спісам кандыдатаў у Прэзідэнты. Фота: ПЦ "Вясна"

Участкі для галасавання адчыніліся ў 8:00, і скончаць сваю працу ў 20.00, пасля чаго пачнецца падлік галасоў выбаршчыкаў. Як паведамляе "Украінская праўда" арыентыровачная колькасць выбаршчыкаў Украіны складае 29 мільёнаў 789 тыс. 643 чалавек. Па звестках Цэнтральнай выбарчай камісіі Украіны па стане на 15:00 яўка выбаршчыкаў склала 45,09%, то бок каля 13,5 мільёнаў чалавек.

ua_vybary_888.jpg
Выбарчы ўчастак №800588 Цэнтральным доме афіцэраў Узброеных сіл у Кіеве. Фота: ПЦ "Вясна"

Ва Украіне прадстаўлена шырокая сетка назіральнікаў. Для назірання за выбарамі зарэгістраваныя 2344 міжнародных афіцыйных назіральнікаў ад 19 міжнародных арганізацый і 17 замежных дзяржаваў.

Прадстаўніца Камітэта выбаршчыкаў Украіны (усеўкраінскай грамадскай арганізацыі, галоўнай задачай якой з'яўляецца назіранне за ходам выбарчых кампаній) паведаміла “Вясне”, што за выбарчай кампаніяй 2019 года зарэгістравалася назіраць 139 грамадзянскіх арганізацый.

ua_vybary_9.jpg.jpg

За выбарамі прэзідэнта Украіны таксама назірае старшыня Цэнтрвыбаркама Беларусі Лідзія Ярмошына і прадстаўніца Парламента Беларусі Ганна Старавойтава. Пра гэта паведамляе "Інтэрфакс-Захад".

“Вясна” наведала выбарчы ўчастак №800588 у Цэнтральным доме афіцэраў Узброеных сіл, дзе галасаваў дзеючы Прэзідэнт Украіны Пётр Парашэнка. 

ua_vybary_10.jpg.jpg
Выбарчы ўчастак №800588 у Цэнтральным доме афіцэраў Узброеных сіл у Кіеве. Фота: ПЦ "Вясна"
ua_vybary_1.jpg
Выбарчы ўчастак №800588 у Цэнтральным доме афіцэраў Узброеных сіл у Кіеве. Фота: ПЦ "Вясна"

Нягледзячы на тое, што па выбарчым заканадаўстве Украіны кандыдатам у прэзідэнты забаронена весці агітацыю за дзень да выбараў і непасрэдна ў дзень галасавання, на вуліцах Кіева можна сустрэць білборды са "схаванай агітацыі" кандыдатаў, а то і лістоўкі з прамой агітацыяй.

ua_vybary_7.jpg.jpg
Білборд са "схаванай агітацыяй" Пятра Парашэнкі каля метро "Шуляўская" ў Кіеве. Фота: ПЦ "Вясна"
ua_vybary_6.jpg.jpg
"Схаваная агітацыя" Юліі Цімашэнкі ў Кіеве 31 сакавіка каля метро "Арсенальная". Фота: ПЦ "Вясна"
ua_vybary_15.jpg
Лістоўка Руслана Кашулінскага каля Кіева-Пячорскай Лаўры. Фота: ПЦ "Вясна"

 Гэта з'яўляецца парушэннем выбарчага заканадаўства, як заяўляюць грамадзянскія арганізацыі Украіны. 

ua_vybary_5.jpg
Наталля Ліннік, намесніца генеральнага дырэктара Камітэта выбаршчыкаў Украіны. Фота: ПЦ "Вясна"

Наталля Ліннік, намесніца генеральнага дырэктара Камітэта выбаршчыкаў Украіны распавяла “Вясне”, што ў параўнанні з папярэднымі выбарамі выбары-2019 сталі больш дэмакратычнымі:

“Бясспрэчна выбары ва Украіне эвалюцыянуюць. Наша арганізацыя адзначае, што, напрыклад, практычна знікла такое парушэнне, як прымяненне "адміністрацыйнага рэсурсу". Спрыяла гэтаму палітыка дэцэтралізацыі”.

У сувязі з выбарамі ўсе падраздзяленні Міністэрства ўнутраных справаў Украіны ў гэты час працуюць ва ўзмоцненым рэжыме.

ua_vybary_7889.jpg
Каля Кіева-пячорскай Лаўры ў Кіеве. Фота: ПЦ "Вясна"

Партнёрства

Сяброўства