viasna on patreon

Брэсцкія актывісты плануюць восем мітынгаў

2019 2019-03-26T09:57:37+0300 2019-03-26T09:57:37+0300 be https://spring96.org/files/images/sources/brest_miting_2018_4.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Брэсцкія актывісты падалі заяўкі на правядзенне васьмі мітынгаў супраць будаўніцтва акумулятарнага завода пад Брэстам, паведамляе naviny.by.

Мітынг супраць будоўлі завода ў Берасце Фота: tut.by

Як паведаміў БелаПАН адзін з заяўнікаў акцый праваабаронца Раман Кісляк, чатыры мітынгу плануюцца правесці 7, 14, 21 і 28 красавіка ў вёсцы Тэльмы Брэсцкага раёна на стадыёне дзіцяча-юнацкай спартыўнай школы «Прыбужжа», яшчэ чатыры — з 2 па 5 красавіка ў Берасці ля сцэны ў парку Воінаў-Інтэрнацыяналістаў. Гэтыя пляцоўкі вызначаны мясцовымі ўладамі для правядзення масавых мерапрыемстваў.

Па словах Кісляка, чыноўнікі пастаянна знаходзяць падставы, каб пазбавіць актывістаў магчымасці правесці акцыі супраць акумулятарнага завода.

У прыватнасці, на апавяшчэнне аб арганізацыі пяці мітынгаў 25-29 сакавіка ў Брэсце ля сцэны ў парку Воінаў-Інтэрнацыяналістаў гарвыканкам паведаміў, што іх правядзенне недапушчальна ў сувязі з працамі па добраўпарадкаванні. Мітынг 31 сакавіка ў вёсцы Тэльмы на стадыёне спартыўнай школы «Прыбужжа» Брэсцкі райвыканкам забараніў на падставе таго, што там будзе іншае мерапрыемства.

«У мясцовых чыноўнікаў развілася фобія на пратэсты супраць акумулятарнага завода. І яны прыдумляюць свае мерапрыемствы замест заяўленых нашымі актывістамі», — заявіў Кісляк.

Грамадская кампанія супраць будаўніцтва акумулятарнага завода пачалася ў рэгіёне ў студзені 2018 года. За гэты час актывісты падалі заяўкі на правядзенне ў Брэсце і Брэсцкім раёне 83 мітынгаў, 12 пікетаў і 16 дэманстрацый. Улады санкцыянавалі толькі адну акцыю: 29 красавіка мітынг «брэстчанкам супраць свінцу», на які сабралася каля дзвюх тысяч чалавек».

Праціўнікі завода збіраюцца з 25 лютага 2018 года кожнае нядзелю на плошчы Леніна ў Брэсце.

Апошнія навіны

Партнёрства

Сяброўства