viasna on patreon

За ўшанаванне памяці Героя Украіны Жызнеўскага ў Мінску асудзілі актывістаў Дапоўнена

2019 2019-01-23T16:00:00+0300 2019-01-23T17:06:42+0300 be https://spring96.org/files/images/sources/zhyzneurki-zatrymanne-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Ля помніка Тарасу Шаўчэнкі ў Мінску 22 студзеня 2019 года. Фота: "Новы Час".

Ля помніка Тарасу Шаўчэнкі ў Мінску 22 студзеня 2019 года. Фота: "Новы Час".

Пасля завяршэння жалобнай акцыі ў гонар Героя Украіны Міхаіла Жызнеўскага ў Мінску  22 студзеня супрацоўнікі міліцыі затрымалі дваіх удзельнікаў ушанавання.

Вечарам ля помніка Тарасу Шаўчэнкі, што побач з амбасадай Украіны, сабралася каля дзесятка актывістаў, якія ўсклалі кветкі і запалілі знічы ў гонар Міхаіла Жызнеўскага. Затым яны праспявалі «Магутны Божа» і гімн Украіны. 

Прыкладна каля 20 гадзін вечара, калі ўдзельнікі ўшанавання пачалі разыходзіцца, на праспекце Незалежнасці супрацоўнікі міліцыі гвалтоўна затрымалі Дзяніса Урбановіча і Вольгу Мікалайчык і адвезлі іх у РУУС Цэнтральнага раёна.

Затрыманне Вольгі Нікалайчык і Дзяніса Урбановіча ш Мінску 22 студзеня. Скрыншот з відэа.

Пазней праваабаронцы даведаліся, што актывістаў да суда змясцілі ізалятар часовага ўтрымання на Акрэсціна. 

23 студзеня ў судзе Цэнтральнага раёна адбыўся разгляд іх адміністрацыйных спраў. Вольга Нікалайчык атрымала 40 базавых велічынь штрафу (1020 рублёў). Дзяніс Урбановіч атрымаў максімальны штраф - 50 базавых (1275 рублёў). Старшынствавала на пасяджэнні суддзя Вікторыя Шабуня.


Беларус Міхаіл Жызнеўскі пяць гадоў таму стаў адной з першых ахвяр Еўрамайдана, - піша БелаПАН. Дваццаціпяцігадовы актывіст партыі УНА-УНСО беларус Міхаіл Жызнеўскі ўваходзіў у самаабарону Майдана, удзельнічаў у ахове яго аб’ектаў, дзяжурыў у палатках, дапамагаў у працы УНА-УНСО. Быў забіты падчас супрацьстаяння на вуліцы Грушэўскага ў Кіеве 22 студзеня 2014 года. На месцы яго гібелі ўстаноўлены помнік. 13 чэрвеня 2017 года Жызнеўскі быў удастоены звання Героя Украіны (пасмяротна). Пахаваны на могілках вёскі Сцяг Працы Гомельскага раёна

Апошнія навіны

Партнёрства

Сяброўства