Гародня: актывіст прыйшоў на суд з калодкай на ланцугу

2018 2018-11-23T08:10:10+0300 2018-11-23T08:10:10+0300 be http://spring96.org/files/images/sources/salianik-kaloda.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Перфоманс Мікалая Саляніка. Фота: "Гарадзенская Вясна".

Перфоманс Мікалая Саляніка. Фота: "Гарадзенская Вясна".

У судзе Ленінскага раёну Гародні 22 лістапада  павінен быў прайсці разгляд адміністрацыйнай справы ў дачыненні да старшыні Гарадзенскай абласной арганізацыі АГП Мікалая Саляніка.

Як паведамляе "Гарадзенская Вясна", яго збіраюцца судзіць за акцыю 7 лістапада, калі Салянік разам з іншым грамадскім актывістам Аляксандрам Лаўрэнцьевым выйшлі на плошчу Леніна з плакатам "Долой самодержавие!". Абодва былі затрыманыя. У дачыненні актывістаў былі складзены пратаколы пра нібыта адміністрацыйныя правапарушэнні. Лаўрэнцьеў правёў больш сутак у ІЧУ і пазней быў засуджаны суддзём Русланам Гурыным да 15 базавых велічынь штрафу. Мікалай Салянік доўгі час быў у шпіталі, паколькі мае сардэчнае захворванне.

22 лістапада Мікалай Салянік з'явіўся у суд Ленінскага раёну ў паласатай турэмнай робе. На шыі у яго быў металёвы ашыйнік, да якога прыкуты ланцуг. На ланцугу была замацаваная калодка. Мікалая Саляніка разам з людзьмі, якія прыйшлі яго падтрымаць, прапусцілі ў будынак суду. Але ў залу судовага паседжання Мікалая Саляніка не пусцілі па той фармулёўцы, што ён у "ненадлежащем виде". Адбылася слоўная перапалка Мікалая Саляніка з прадстаўнікамі Ленінскага РАУС і міліцыянтамі з Ленінскага раённага суду.

У выніку ў фае суду выйшла сакратарка суддзі Руслана Гурына, якая паведаміла, што разгляд адміністрацыйнай справы 22 лістапада не адбудзецца. Судовае паседжанне перанесена на 26 лістапада. Час - 15.00. 

Апошнія навіны

Партнёрства

Сяброўства