Палітвязень Жамчужны папрасіў магілёўскага праваабаронцу аб тэрміновай сустрэчы

2018 2018-10-08T07:00:00+0300 2018-10-08T08:01:03+0300 be http://spring96.org/files/images/sources/zhemchuzhnyj.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Заснавальнік “Платформ інавэйшн” Міхаіл Жамчужны.

Заснавальнік “Платформ інавэйшн” Міхаіл Жамчужны.

Заснавальнік праваабарончай арганізацыі «Платформа Іннавэйшн» Міхаіл Жамчужны, які адбывае тэрмін у горацкай калоніі, папрасіў магилёщскага праваабаронцу Барысв Бухеля аб візіце грамадскай назіральнай камісіі пры галоўным упраўленні юстыцыі Магілёўскага аблвыканкама. Праг эта паведамляе mspring.online.

Па словах палітвязня, ён ужо адпраўляў ліст Бухелю ў чэрвені 2018 года. Аднак адміністрацыя калоніі адмовілася адпраўляць карэспандэнцыю па невядомых прычынах.

«Ваш візіт неабходны для вырашэння шэрагу праблем пры асабістай сустрэчы», – коратка напісаў Жамчужны.

Ён паведаміў, што на час з 20 верасня па 20 кастрычніка яго пераводзяць у памяшканне камернага тыпу.

Барыс Бухель устрывожаны такім паведамленнем палітвязня:

– Інфармацыі мала. Агідна, што адміністрацыя калоніі вядзе сваю незразумелую гульню і не прапускае карэспандэнцю. Дапамагчы Міхаілу неабходна, аднак па досведу мінулага я магу сказаць, што наша грамадская назіральная камісія кастрыраваная. Нам у гэтым годзе не далі сустрэцца ні з Паліенкай, ні з тым жа Жамчужным. Будзем думаць з калегамі, як дапамагчы Міхаілу, – заявіў Барыс Бухель.

Міхаіл Жамчужны быў асуджаны на шэсць з паловай гадоў пазбаўлення волі ў 2015 годзе. Суд прызнаў яго вінаватым у падбухторванні да наўмыснага разгалашэння звестак, якія складаюць службовую тайну; незаконным набыцці і збыце спецыяльнага тэхнічнага сродку, прызначанага для сакрэтнага атрымання інфармацыі, у тым ліку – паўторна; дачы хабару і дачы хабару паўторна.

Беларускімі праваабаронцамі Міхаіл Жамчужны прызнаны палітычным зняволеным.

Апошнія навіны

Партнёрства

Сяброўства