viasna on patreon

На Лідчыне забараняюць адзначаць гадавіну паўстання 1863 года

2018 2018-07-25T09:48:18+0300 2018-07-25T09:48:17+0300 be https://spring96.org/files/images/sources/paustancy-pomnik-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Памятны знак ў гонар паўстанцаў 1863 года ў Лідскім раёне. Фота:pyx.by

Памятны знак ў гонар паўстанцаў 1863 года ў Лідскім раёне. Фота:pyx.by

Актывісты, у тым ліку сябры Руху «За Свабоду», завяршылі ўсталёўку памятнага знака ў гонар паўстанцаў 1863 года ў Лідскім раёне, а 29 ліпеня там павінна была адбыцца цырымонія адкрыцця і мерапрыемствы ў гонар 155-годдзя паўстання.

«Заяўнікам мерапрыемства выступаў Станіслаў Суднік. Яму прыйшла 23 ліпеня пісьмовая адмова, дзе ёсць проста спасылка на 23.34 КоАП (Парушэнне парадку ці правядзення арганізацыі масавых мерапрыемстваў)», — распавёў сайту Pyx.by сябра Руху «За Свабоду» Сяргей Пантус.

Ён лічыць, што гэта адмова з серыі «таму, што могуць».

«Сёння была накіраваная скарга на гэтае рашэнне і вусна патлумачылі, што адмовілі, бо была няправільна складзеная заяўка. Прыдраліся да фармальнасцяў», — дадаў Пантус.

Актывіст Руху «За Свабоду» абяцае, што ў бліжэйшы час арганізатары паведамяць, калі адбудзецца мерапрыемства і ў якім фармаце.

«155 год паўстанню і ў год малой радзімы мясцовыя ўлады паступілі проста непрыгожа па-чалавечы. З 1995 года на гэтым месцы праходзілі мерапрыемствы, ксёндз праводзіў службу, усе маліліся, усё было годна. Чаго яны зараз упёрліся, не ведаю», — заключыў Сяргей Пантус.

Апошнія навіны

Партнёрства

Сяброўства