Праваабаронцу Аюба Ціціева не даставілі ў суд для разгляду скаргі на меру стрымання

2018 2018-01-25T15:06:05+0300 2018-01-25T15:09:16+0300 be http://spring96.org/files/images/sources/oiub_titiev.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кіраўнік прадстаўніцтва ПЦ "Мемарыял" у Грозным Аюб Ціціеў. Фота з сацсетак

Кіраўнік прадстаўніцтва ПЦ "Мемарыял" у Грозным Аюб Ціціеў. Фота з сацсетак

25 студзеня 2018 гадоў ў Вярхоўным судзе Чачэнскай Рэспублікі павінна было адбыцца пасяджэнне па разглядзе апеляцыйнай скаргі кіраўніка прадстаўніцтва Праваабарончага цэнтру "Мемарыял" у г. Грозным Аюба Ціціева і яго адваката на абранне Шалінскім гарадскім судом меры стрымання, паведамляецца на сайце праваабарончай арганізацыі.

Раней праваабаронцу суд у закрытым рэжыме прызначыў меру стрымання ў выглядзе двух месяцаў арышту.

Пасяджэнне пачалося ў 11.00 пад старшынствам суддзі Вярхоўнага суда ЧР Хасмагамеда Мадаева. У зале суда прысутнічалі пракурор Копцеў і адвакат Аюба Ціціева Пётр Заікін. Без тлумачэння прычын на паседжанне не з'явіўся другі адвакат праваабаронцы і не быў дастаўлены ён сам.

Суддзя спытаў у Пятра Заікіна, ці вядомыя яму прычыны няяўкі ў суд другога адваката Аюба Ціціева. Заікін адказаў, што ўчора павінны былі адбыцца нейкія следчыя дзеянні з удзелам праваабаронцы, адвакат выехаў для ўдзелу ў іх, але потым знік з сувязі і дзе ён цяпер, Пётр Заікін не ведае.

На пытанне суддзі аб прычынах недастаўлення ў суд Аюба Ціціева і адвакат, і пракурор адказалі, што ніякай інфармацыі аб гэтым у іх няма.

Суддзя запытаў, ці магчыма разглядаць апеляцыйную скаргу ў адсутнасць абвінавачанага. І адвакат, і пракурор палічылі, што гэта немагчыма.

Суддзя пастанавіў перанесьці судовае паседжанне на 17:00 гэтага ж дня, абавязаўшы пракурора забяспечыць яўку Аюба Ціціева ў суд.

Кіраўнік праграмы «Гарачыя кропкі» ПЦ "Мемарыял" Алег Арлоў, які прысутнічаў у зале суда, выказаў здзіўленне і трывогу ў сувязі з недастаўкаю Аюба Ціціева ў залю суда.

Учора ПЦ "Мемарыял" паведамляў, што Аюб Ціціеў застаўся без адвакацкай дапамогі на час следчых дзеянняў.

Яшчэ раней праваабаронца напісаў заяву на імя Прэзідэнта РФ У. У. Пуціна, кіраўніка Следчага камітэта РФ А. І. Бастрыкіна і дырэктара ФСБ А. В. Бортнікава аб сваёй невінаватасці і пра тое, што любое прызнанне яго віны азначае, што яго прымусілі прызнацца фізічным уздзеяннем або шантажом.

Нагадаем, раніцай 9 студзеня машыну кіраўніка прадстаўніцтва ПЦ "Мемарыял" у Чачэнскай Рэспубліцы Аюба Ціціева спынілі людзі ў форме супрацоўнікаў дарожнай інспекцыі. Пасля гэтага ён перастаў выходзіць на сувязь. Аб здарэннi былі праінфармаваныя кіраўнік СПЧ пры прэзідэнце РФ Міхаіл Фядотаў і ўпаўнаважаны па правах чалавека ў Расіі Таццяна Маскалькова.

Праз некалькі гадзін выявіць Ціціева ў Курчалоеўскім РАУС атрымалася члену СПЧ пры кіраўніку Чачні Хедзе Саратавай

МУС Чачні пацвердзіла, што затрыманне Аюба Ціціева звязана са справай, распачатай на падставе артыкула «захоўванне наркотыкаў», толькі праз шэсць з лішнім гадзін пасля затрымання.

Інкрымінаваны чачэнскімі сілавікамі 60-гадоваму Ціціеву артыкул - практыкуемы спосаб барацьбы з непажаданымі ў Чачні журналістамі, грамадскімі дзеячамі і праваабаронцамі. Супрацоўнікі «Новай газеты» ведаюць Ціціева больш за дваццаць гадоў. Яны сцвярджаюць, што ён рэлігійны чалавек, які вядзе выключна здаровы і спартыўны лад жыцця.

Апошнія навіны

Партнёрства

Сяброўства