У Слуцку актывісты правялі акцыю "Урок гісторыі"

У Слуцку першага верасня грамадскія актывісты правялі акцыю-шэсце “Урок гісторыі”. У мерапрыемстве прынялі ўдзел шэсць чалавек.

Каля 12 гадзіны актывісты сабраліся каля слуцкага моладзевага цэнтру. Яны трымалі ў руках партрэты герояў Слуцкага збройнага чыну і плакат з надпісам “Не дапусцім, каб Беларусь уцягнулі ў чужыя войны”.

Праз 15 хвілін удзельнікі рушылі ў бок цэнтру горада.

У палову першай гадзіны актывісты спыніліся каля краязнаўчага музею і наклеілі партрэты ўдзельнікаў СЗЧ на плот. Гэты момант на камеру здымаў невядомы чалавек у цывільным.

Прадстаўнікі праваахоўных органаў бачылі ўдзельнікаў шэсця, аднак ніякіх дзеянняў не прадпрымалі.

Акцыя скончылася ў 12.40.