viasna on patreon

У Гомелі міліцыя прыкавала кайданкамі да дрэва журналіста Жукоўскага

2017 2017-07-21T13:59:14+0300 2017-07-21T14:06:07+0300 be https://spring96.org/files/images/sources/zhukovski-03.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Затрыманне Канстанціна Жукоўскага. Фота: БелаПАН.

Затрыманне Канстанціна Жукоўскага. Фота: БелаПАН.

У Гомелі пасьля відэаздымак судовага паседжаньня ў адміністрацыйнай справе супраць блогера Максіма Філіповіча супрацоўнікі ДАІ затрымалі журналіста-фрылансэра Кастуся Жукоўскага. Пра гэта паведамляе Радыё Свабода.

Ён з калегамі ад’ехаў ад будынка суду на прыватнай аўтамашыне мэтраў дзьвесьце. Спыніў яго падпалкоўнік міліцыі, які не назваў сябе, запатрабаваў дакумэнты. Паглядзеўшы, патрабаваў ехаць у ДАІ — на той падставе, што раней у Добрушы Жукоўскі нібыта парушыў правілы дарожнага руху.

Кастусь адказаў, што ніякай позвы не атрымліваў і пра парушэньне правілаў дарожнага руху ў Добрушы чуе ўпершыню. І наагул, цяпер заняты. Калі будзе позва, ён прыедзе ў ДАІ.

«Аднак падпалкоўнік стаяў на сваім, выклікаў падмогу. Кастусю начапілі кайданкі, прывязаўшы яго да дрэва. Я здымаў усё на відэа. У мяне адабралі відэакамэру. Я патэлефанаваў на 102, заявіў пра гвалтоўныя дзеяньні міліцыянтаў. Камэру мне вярнулі, а Жукоўскага забралі ў ДАІ», — расказаў відавочца і напарнік фрылансэра Андрэй Толчын.

Ён дадаў, што міліцыя ўсяляк перасьледуе Жукоўскага за яго фрылансэрскую дзейнасьць.

Апошнія навіны

Партнёрства

Сяброўства