Віцебскі гарвыканкам вызначыў новыя сталыя месцы для арганізацыі сходаў, мітынгаў, дэманстрацыяў і пікетаваньня.

Колькасьць пляцовак, дзе грамадзкім аб’яднаньням, палітычным партыям, рэлігійным суполкам ды асобным грамадзянам дазволена ладзіць масавыя акцыі, скарацілася ўдвая. У кожным з трох раёнаў Віцебска гарадзкія ўлады вызначылі па адной кропцы для арганізацыі масавых акцый. Усе яны разьмешчаны ўдалечыні ад цэнтра, у бязьлюдных парках. Напрыклад, парк культуры і адпачынку “Мазурына”, дзе зараз можна будзе зладзіць пікет, знаходзіцца на ўскрайку горада і плаўна пераходзіць у лясны масыў.
Прэс-служба Асамблеі НДА