viasna on patreon

Максіму Вінярскаму, які адбывае пакаранне на Акрэсціна, далі яшчэ 10 сутак за Курапаты

2017 2017-04-05T10:04:55+0300 2017-04-05T10:07:21+0300 be https://spring96.org/files/images/sources/viniarski-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Максім Вінярскі.

Максім Вінярскі.

Актывіст «Эўрапейскай Беларусі» Максім Вінярскі падчас адбыцьця арышту за Дзень Волі атрымаў яшчэ 10 сутак за Курапаты. Пра гэта карэспандэнту Свабоды паведаміла Вольга Нікалайчык, якая выйшла на волю з Акрэсьціна па абедзе 4 красавіка.

«Як мяне выводзілі, дык гучала ў калідоры маё прозьвішча. І тады я пачула голас Максіма Вінярскага. Ён крыкнуў, што атрымаў яшчэ 10 дзён за Курапаты. Што адмыслова вывозілі ў суд перад заканчэньнем тэрміну за Дзень Волі. Перадаваў усім прывітанне. Яшчэ чула голас Леаніда Кулакова. І ён усім перадаваў прывітанне», — кажа Вольга Нікалайчык.

27 сакавіка Першамайскі раённы суд Менску асудзіў Максіма Вінярскага нібыта за дробнае хуліганства і непадпарадкаваньне на 8 сутак арышту. Максіма Вінярскага ў судзе абараняў адвакат, працэс цягнуўся некалькі гадзін. Актывіст даводзіў, што ня браў удзелу ў акцыі, а міліцыянты схапілі яго прэвэнтыўна. Але суд да ягоных словаў не прыслухаўся.

Менскі таксіст, грамадзкі актывіст Леанід Кулакоў атрымаў у Савецкім раённым судзе Менску найбольшы тэрмін з прызначаных за Дзень Волі — ажно 25 сутак. Міліцыянты затрымалі яго на вуліцы далёка адтуль, дзе мелася быць шэсьце на Дзень Волі.

Апошнія навіны

Партнёрства

Сяброўства