viasna on patreon

У Барысаве затрыманы да суда Міхаіл Васільеў

2017 2017-03-26T09:44:50+0300 2017-03-26T10:10:04+0300 be https://spring96.org/files/images/sources/barysau-vasiljeu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня Барысаўскай гарадской арганізацыі АГП Міхаіл Васільеў

Старшыня Барысаўскай гарадской арганізацыі АГП Міхаіл Васільеў

Сябра Аб’яднанай грамадзянскай партыі Міхаіла Васільева затрымалі 25 сакавіка ў Барысаве, але пасля апытання ў РАУСе адвезлі нанач у ізалятар часовага ўтрымання да суда.

Еx-press.by паведамляе падрабязнасці затрымання:

“У 18.30 Міхаіл Васільеў даслаў смс-паведамленне на тэлефон жонкі: «Забралі ў міліцыю. Калі буду, не ведаю".

Раніцай, з васьмі да дзесяці гадзін, ля пад'езда дома, дзе жыве Міхаіл Васільеў, дзяжурыў белы аўтамабіль «Джылі» з нумарнымі знакамі 9364 КЕ-5. Затым гэтая машына прыехала ў пяць гадзін вечара і стаяла да шасці. Сапраўды такі ж аўтамабіль Джылі, але з іншым дзяржнумарам - 0358 МА-5 - выкарыстоўваўся пры затрыманні здымачнай групы телеканалa Белсат у Барысаве 18 сакавіка.

Як стала вядома пазней, Міхаіла Васільева змясцілі ў ізалятар часовага ўтрымання Барысаўскага РУУС. Яго жонцы растлумачылі, што Міхаіл затрыманы за дробнае хуліганства, нібыта ён лаяўся матам у грамадскім месцы.

Суд пачнецца ў нядзелю ў 10 гадзін раніцы.

Апошнія навіны

Партнёрства

Сяброўства