viasna on patreon

Зняволены Глыбоцкай калоніі: «Для іх гэта проста хобі - адымаць здароўе ў асуджаных»

2017 2017-02-22T12:53:27+0300 2017-02-22T12:54:09+0300 be https://spring96.org/files/images/sources/katavanni2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Ілюстрацыйнае фота

Ілюстрацыйнае фота

Да «Праваабаронцаў супраць катаванняў» звярнулася сястра зняволенага Аляксея Агейчыка, які адбывае пакаранне ў папраўчай калоніі №13 г. Глыбокае, паведамляецца на сайце ініцыятывы.

21 лютага 2017 года Ксенія Клімовіч атрымала ліст ад брата, які паведаміў пра тое, што быў збіты адміністрацыяй калоніі дубінкамі «дачарна», пасля чаго страціў прытомнасць, і яму спатрэбілася медыцынская дапамога. Пасля медчасткі Аляксей Агейчык быў змешчаны ў штрафны ізалятар на 50 сутак, каб "адыходзіў ад сінякоў".

Ён быў адным з удзельнікаў канфлікту з «заўгасам» атрада, аб якім ужо паведамлялася ў СМІ. У сваім лісце ён распавёў, што яго збілі ў той жа дзень, што і Аляксандра Лагвіненку. Нагадаем, Лагвіненка таксама паведаміў сваякам ў лісце, што іх вывелі перад строем усяго атрада і пры адміністрацыі збілі палкамі.

Аляксей Агейчык палічыў прымяненне спецсродкаў супрацьзаконным і напісаў скаргу. Тым не менш, следчы адразу заявіў, што пасля праверкі будзе фармальны адмову.

Зняволены таксама распавёў у лісце, што гэта не першы выпадак збіцця асуджаных з боку адміністрацыі калоніі. Давядзенне да самагубства, неаказанне медыцынскай дапамогі, пастаянныя пагрозы «ўвагнаць у бетон», беспакаранасць адміністрацыі, бязмежжа, «асобная дзяржава», «забіць і спісаць чалавека лягчэй, чым сабаку» - так апісвае Аляксей абстаноўку ў калоніі.

«У адпаведнасці з ч. 3 арт. 25 Канстытуцыі Рэспублікі Беларусь, ніхто не павінен падвяргацца катаванням, жорсткаму, бесчалавечнаму або зневажальнаму да яго годнасцi абыходжанню цi пакаранню. Аналагічная забарона ўтрымліваецца таксама і ў арт. 10 Крымінальна-выканаўчага кодэкса Рэспублікі Беларусь. Любыя акты катаванняў і жорсткага абыходжання ў пенітэнцыярных установах павінны аб'ектыўна, усебакова і бесстаронне расследавацца, а вінаватыя павінны прыцягвацца да адказнасці», - каментуе праваабаронца Сяргей Усцінаў.

Праваабаронцы падрыхтавалі скаргу ў Генеральную пракуратуру, у якой просяць правесці пракурорскую праверку па фактах катаванняў у дачыненні да Агейчыка з абавязковым выездам у ПК-13 і апытаннем пацярпелага.

«У пункце 37 пятага перыядычнага дакладу Рэспублікі Беларусь у Камітэт ААН супраць катаванняў дзяржава паказала, што ў мэтах захавання правоў асуджаных i асобаў, якiя ўтрымлiваюцца пад вартай, і папярэджання ў дачыненні да іх актаў катаванняў, жорсткага, негуманнага абыходжання Генеральнай пракуратурай праводзяцца праверкі месцаў утрыманняў пад вартай і папраўчых устаноў. Варта адзначыць, што ў Беларусі адсутнічае незалежны і эфектыўны механізм прыняцця і расследавання скаргаў, пададзеных ахвярамі катаванняў і жорсткага абыходжання - гэты факт пацвярджаў Камітэт супраць катаванняў у сваіх заключных заўвагах. Генеральная пракуратура павінна тэрмінова правесці праверку, паколькі гэта ўжо не першая скарга на парушэнні правоў чалавека ў Глыбоцкай калоніі», - паведаміла праваабаронца Вікторыя Фёдарава.

Апошнія навіны

Партнёрства

Сяброўства