Давераная асоба кандыдата ў дэпутаты звярнуўся ў Брэсцкі абласны суд

2017 2017-01-12T08:39:40+0300 2017-10-30T15:06:16+0300 be http://spring96.org/files/images/sources/rygor-gryk-baranavich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Рыгор Грык.

Рыгор Грык.

11 студзеня 2017 года Рыгор Грык, давераная асоба кандыдата ў дэпутаты Палаты Прадстаўнікоў Нацыянальнага Сходу РБ Міколы Чарнавуса, падаў другую скаргу ў Брэсцкі абласны суд. Пра гэта паведамляе “Берасцейская Вясна”.

Ён лічыць пастанову Баранавіцкага суда ад 30 снежня не правамоцнай, таму што суд агітацыйны пікет даверанай асобы кандыдата ў дэпутаты кваліфікаваў як масавае мерапрыемства, больш таго суд не выклікаў у якасці сведкі самаго каддыдата ў дэпутаты.

Нагадаем, 3 лістапада суд горада Баранавічы і Баранавіцкага раёна завочна пакараў грамадскага актывіста Рыгора Грыка штрафам памерам у 50 базавых велічынь (1050 демінаваных рублёў) нібыта за арганізацыю і правядзенне несанкцыянаванага пікета другі раз за год. Грамадзкі актывіст абскардзіў пастанову ў вышэйстаячай інстанцыі.

У Брэсцкім абласным судзе Рыгор Грык патлумачыў суду, што ў ягоных дзеяннях небыло складу правапарушэння, бо пікет аб якім ідзе мова, праводзіўся ў рамках выбарчага заканадаўства. Тады былі выбары Палату прадстаўнікоў, а ён быў даверанай асобай кандыдата Міколы Чарнавуса. У агітацыйны перыяд кандыдат уведаміў, адпаведна заканадаўства, гарацкія ўлады аб месцы і часе правядзення пікета ў вызначаным уладамі месцы. Я праводзіў агітацыйны пікет і нічога не парушыў. Былая давераная асоба кандыдата прасіў суд справу спыніць за адсутнасцю складу правапарушэння.

Па разглядзе справы суддзя Брэсцкага абласнога суда Грыгаровіч прыняў пастанову, адмяніць пастанову Баранавіцкага суда і адправіць на паноўнае разбіральніцтва ў баранавіцкі суд да іншага суддзі.

29-30 снежня 2016 года ў судзе горада Баранавічы і Баранавіцкага раёна прайшой паўторны разгляд адміністратыўнай справы грамадскага актывіста Рыгора Грыка. Справу разглядала іншы суддзя, Аксана Ліцьвінчык, адпаведна рашэння Брэсцкага абласнога суда. Суд паўторна дапытаў 2 міліцыянтаў, м-раў Паплаўскага і Казачэнка, якія падцвердзілі, што пікет праходзіў у парку, месцы вызначаным гарацкімі ўладамі для перадвыбарчай агітацыі. Сам экс- кандыдат на судзе не прысутнічаў, але ў матэрыялах справы былі ягоныя пісмовыя сведчанні, што плакаты, якія выкарыстоўваў Рыгор Грык, ягоная давераная асоба падчас выбараў, цалкам адпавядалі праграме кандыдата і рыхтаваліся імі супольна.

Суддзя не прыняла да ўвагі гэтыя сведчанні і палічыла выбарчы пікет асабістай ініцыятывай Рыгора Грыка, на які Рыгор Грык заяўкі не падаваў, а таму парушыў Закон «Аб масавых мерапрыемствах...»

У выніку суд ізноў пастанавіў пакараць экс-давераную асобу кандыдата Рыгора Грыка штрафам памерам у 50 базавых велічынь (1050 демінаваных рублёў) нібыта за арганізацыю і правядзенне несанкцыянаванага пікета.

Апошнія навіны

Партнёрства

Сяброўства