Першая рэакцыя Amnesty Intrnational на чарговыя расстрэлы ў Беларусі Відэа

2016 2016-11-30T13:32:50+0300 2016-11-30T16:22:45+0300 be http://spring96.org/files/images/sources/execution-2016.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Навіна аб выкананні новых прысудаў у камеры смяротнікаў, якая прасочваецца з Беларусі, хутка распаўсюдзіліся ва ўсім свеце. Уплывовая праваабарончая арганізацыя Amnesty Intrnational тэрмінова распаўсюдзіла відэаролік, у якім заклікае падпісаць петыцыю за адмену смяротнага пакарання ў Беларусі зараз.

"З Беларусі атрыманая жудасная навіна пра тое, што прынамсі два чалавекі пакараныя смерцю. Заклікаем усіх як мага шырэй распаўсюджваць ролік і петыцыю. Прыйшоў час сказаць Беларусі, каб яна неадкладна адмяніла гэтую варварскую практыку!" – гаворыцца ў прэс-рэлізе Amnesty Intrnational да роліка.

Літаральна месяц таму адбыўся візіт прадстаўнікоў Amnesty Intrnational ў Беларусі. Пад час сустрэч з праваабаронцамі пры абмеркаванні бягучага стану з правамі чалавека, найбольшая ўвага была нададзеная праблеме выкарыстання смяротнага пакарання.

Днямі праваабаронцам стала вядома аб тым, што ў Мінскім СІЗА №1 расстраляны асуджаны да смяротнага пакарання жыхар Лідскага раёна Іван Кулеш. Мяркуемая дата прывядзення смяротнага прысуда - 5 лістапада. А 29 лістапада сваякі Сяргея Хмялеўскага паведамілі каардынатару кампаніі “Праваабаронцы супраць смяротнага пакарання ў Беларусі” Андрэю Палудзе, што прысуд да смяротнага пакарання ў дачыненні да іх блізкага чалавека прыведзены ў выкананне.

Нагадаем, што Amnesty Intrnational выступіла ў абарону Сяргея Хмялеўскага і распаўсюдзіла тэрміновы зварот да прэзідэнта Лукашэнкі з заклікам спыніць смяротнае пакаранне ў Беларусі. Аднак гэта не дапамагло.

Апошнія навіны

Партнёрства

Сяброўства