viasna on patreon

Гарадзенскіх актывістаў засудзілі да штрафу за пікет

2016 2016-10-21T08:26:49+0300 2016-10-21T08:30:29+0300 be https://spring96.org/files/images/sources/verameenka-harodnia.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Гарадзенскія актывісты каля будынку суда Ленінскага раёна Гародні.

Гарадзенскія актывісты каля будынку суда Ленінскага раёна Гародні.

Гарадзенскі суд Ленінскага раёна 20 кастрычніка  2016 г. разгледзеў адміністрацыйныя справы дэмакратычных актывістаў Сяргея Верамеенкі, Анатоля Мышкевіча і Віталя Мойсы. Як паведамляе “Гарадзенская Вясна”, маладыя людзі былі абвінавачаны за ўдзел ў несанкцыянаваным пікеце прысвечаным традыцыйнаму дню салідарнасці з сем’ямі зніклых беларускіх палітыкаў, які праходзіў 16 верасня бягучага году. Судовыя справы вяла вядомая ў апазіцыйных колах сваімі шматлікімі рэпрэсіўнымі рашэннямі Наталля Козел. Разгляд справы павінен быў адбыцца а 10.30, але суддзя абвесціла перапынак і перанесла паседжанне на 14.20 з-за таго, што адсутнічаў адзін з абвінавачваных Сяргей Верамеенка. Наталля Козел загадала прымусова прывезці яго ў суд. Разгляд справы ўсё ж такі прайшоў без Сяргея Верамеенкі і нагадваў традыцыйныя судовыя разбіральніцтвы над гарадзенскімі апазіцыянерамі пачатку 2000-ых. Суддзя выслухала сведкаў з боку міліцыянтаў, якія сведчылі супраць дэмакратычных актывістаў. Начальнік аддзелу правапарадку Ленінскага РАУС Дзмітры Козел распавёў: “Да нас ў райаддзел паступіла інфармацыя аб несанкцыянаванай акцыі, праводзімай у цэнтры горада па вуліцы Савецкай каля моладзевага цэнтра, мы туды прыбылі а 16.50, пікет распачаўся а 17-й, маладыя людзі трымалі ў руках плакат, на якім былі размешчаны фотаздымкі. Пасля я падышоў да іх і прапанаваў праехаць у райаддзел для разіральніцтва”.

Суддзя Наталля Козел не прыняла да ўвагі тлумачэнні грамадскіх актывістаў і абвесціла дастаткова вялікія штрафы для іх: Сяргей Вераемеенка быў засуджаны да 25 базавых велічынь штраф (на сёння 525 беларускіх рублёў), Анатоль Мышкевіч і Віталь Мойса былі аштрафаваныя на 20 базавых велічынь (па 420 рублёў кожны). Гэты штраф грамадскія актывісты збіраюцца аспрэчыць у Гарадзенскім абласным судзе.

Апошнія навіны

Партнёрства

Сяброўства