Міліцыя просіць суд арыштаваць экс-кандыдата Уладзіміра Няпомняшчых

2016 2016-09-26T14:05:14+0300 2016-09-26T14:28:01+0300 be http://spring96.org/files/images/sources/nepomniashchy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Няпомняшчых. Фота Радыё Свабода.

Уладзімір Няпомняшчых. Фота Радыё Свабода.

Начальнік АУС адміністрацыі Чыгуначнага раёна Гомеля Ігар Цімашэнка напярэдадні суду над экс-кандыдатам у дэпутаты Уладзімірам Няпомняшчых хадайнічае перад старшынёй раённага суда Таццянай Адрыбец аб арышце апазіцыйнага палітыка. У лісце раённага міліцыянта змяшчаецца інфармацыя, што "дадзены грамадзянін схільны да здзяйснення правапарушэнняў і маецца магчымасць меркаваць злачынстваў".

Уладзімір Няпомняшчых, вядомы сваёй майкай з надпісам “За Беларусь без Лукашэнкі” лічыць, што такім чынам яго спрабуюць ізаляваць напярэдадні прыезду Лукашэнкі ў Гомель.

"У мінулы прыезд Лукашэнкі ў Гомель мяне затрымалі ў майцы “За Беларусь без Лукашэнкі” і трымалі ў пастарунку пакуль той не з'ехаў з горада. На гэтым тыдні дыктатар зноў едзе ў Гомель, таму мяне абавязкова ізалююць. Я сабраў заплечнік, склаў цёплыя рэчы, рашэньне аб маім арышце ўжо прынята. Прыходзьце ў суд, каб паглядзець як улада распраўляецца з сваімі апанентамі”, - заявіў апазіцыйны палітык.

Суд над Уладзімірам Няпомняшчых адбудзецца 27 верасня (аўторак) у 15.30 у судзе Чыгуначнага раёна (каб. №47). Палітыка абвінавачваюць у парушэнні артыкула 23.4 “Непадпарадкаванне законнаму распараджэнню службовай асобы”, а таксама артыкула 17.1 “Дробнае хуліганства”. У сукупнасці Уладзіміру Няпомняшчых пагражае штраф ад 22-х базавых велічыняў да адміністарцыйнага арышту да 25 сутак. Палітыка затрымалі 12 верасня на прыпынку грамадскага транспарту, калі той збіраўся ехаць на мірную акцыю пратэсту ў Менск.

Гомельская Вясна

Апошнія навіны

Партнёрства

Сяброўства