Выбары па-cветлагорску

Гомельская абласная арганізацыя Беларускай партыі левых "Справядлівы свет" абвінавачвае адміністрацыю Светлагорскага раёна ў змове з паштовай дастаўкай заказной карэспандэнцыі і праз суд патрабуе перагледзець рашэнне райвыканкама па фарміраванні членаў участковых выбарчых камісій раёна. Адпаведную скаргу ў суд, як паведамляе "Гомельская Вясна", камуністы падалі 28 чэрвеня.
У партыі заяўляюць, што ўсяго па гомельскім рэгіёне ў склады ўчастковых выбаркамаў вылучылі 84 сваіх сябраў, у тым ліку 24 па Светлагорскай раёну. Ва ўсіх раёнах дакументы аб вылучэнні атрыманы своечасова, а вось у Светлагорску - не. Заказны ліст па сістэме "Камфорт" тут быў атрыманы пасля фарміравання складаў участковых камісій толькі на сёмы дзень з моманту яго адпраўкі.

"У выніку чыноўнікі не разглядалі 24 нашы кандыдатуры ў якасці патэнцыйных членаў участковых камісій. Паслуга сачэння за паштовымі адпраўлення паказвае, паштальён своечасова хацеў ўручыць нашы дакументы ў райвыканкаме, а вось чаму ў працоўны дзень чыноўнікаў не аказалася на месцы, мы будзем высвятляць ў судзе", - здзіўляецца абласной лідэр партыі Валеры Панкратаў.

Прадстаўнік партыі Уладзімір Сякерка упэўнены, што гэта правакацыя супраць камуністаў была задумана наўмысна па папярэдняй змове чыноўнікаў з работнікамі пошты і накіравана на недапушчэнне іх прадстаўнікоў у склад выбаркамаў у Светлагорскім раёне. Іх скаргу суд павінен разгледзяць цягам трох дзен. 
З 84 сябраў партыі левых "Справядлівы свет", вылучаных у Гомельскім рэгіёне ў склады ўчастковых выбаркамаў толькі дзве кандыдатуры ўключаны ў склад камісій.