Алексу Кліменку пагражаюць даставіць у суд пад прымусам
Позна вечарам 11 красавіка аднаму з удзельнікаў пікету каля расійскай амбасады Алексу Кліменку патэлефанаваў мужчына, які прадставіўся інспектарам Цэнтральнага РУУС г. Мінска. Ён паведаміў, што 14 красавіка плануецца прымусовы прывод юнака ў суд, паколькі на папярэдняе паседжанне Кліменка не з'явіўся.
“Паразмаўлялі ветліва, аднак я папярэдзіў яго, што ўдзел у псеўдасудовым спектаклі лічу бессэнсоўным і справу майго прымусовага прыводу яму адназначна не палегчу”.
Некалькі дзён таму Кліменка атрымаў замоўны ліст з суда Цэнтральнага раёна г. Мінска. Атрымліваць ліст трэба было пад роспіс, што ён рабіць адмовіўся, але западозрыў, што яго выклікаюць на. "суд" за ўдзел у мірных акцыях.
"Пачакаю пару дзён, ці прыйдзе мне смс з адпаведнай інфармацыяй, каб ведаць падрабязнасці (час, дату і т.зв. "суддзю"), - паведаміў ён праваабаронцам.
