У Баранавічах улады забаранілі правесці забег супраць зніжэння ўзроўню жыцця насельніцтва

2016 2016-04-05T13:02:19+0300 2016-04-05T13:02:58+0300 be http://spring96.org/files/images/sources/charnav-mikal-baranav.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мікалай Чарнавус.

Мікалай Чарнавус.

Ініцыятарам забега быў мясцовы актывіст і індывідуальны прадпрымальнік Мікалай Чарнавус, які пазначыў у сваёй заяўцы, што акцыя мусіць прайсці 8 красавіка з удзелам да 10 чалавек з розных рэгіёнаў Беларусі.

У якасці месца для правядзення забега была прапанавана пляцоўка ў старым парку культуры і адпачынку (яна вызначана Баранавіцкім гарвыканкамам для падобных масавых мерапрыемстваў) альбо любое іншае месца ў горадзе

Аднак мясцовыя ўлады забаранілі акцыю на той падставе, што ў заяўцы нібыта ёсць супярэчнасці (няма дакладна вызначанага месца правядзення забегу), а таксама не выканана патрабаванне артыкула 5 Закона “Аб масавых мерапрыемствах”. Мікалай Чарнавус лічыць, што чыноўнікі з гарвыканкама знайшлі фармальныя прычыны, каб не дазволіць акцыю пратэсту.

Ён нагадаў, што мэта забегу была такая самая, як і ў двух раней забароненых рэспубліканскіх мітынгаў: выказаць пратэст супраць развалу эканомікі краіны, збяднення насельніцтва і зніжэння заробкаў. У першым выпадку мітынг 7 сакавіка на плошчы Леніна ў Баранавічах не дазволілі, бо яго меркавалася правесці бліжэй за 50 метраў ад адміністрацыйных будынкаў, а размешчаны побач помнік Леніну унесены ў дзяржаўны спіс гісторыка-культурных каштоўнасцяў Беларусі (і гэта абставіна, згодна з адмысловым рашэннем гарвыканкама, таксама забараняе правядзенне вакол помніка масавых мерапрыемстваў). Другі мітынг, які планаваўся на 21 сакавіка на вызначанай уладамі пляцоўцы ў старым парку культуры і адпачынку, не быў дазволены, бо Мікалай Чарнавус ўзяў на сябе забеспячэнне грамадскага парадку, бяспекі, медыцынскага абслугоўвання падчас акцыі і правядзенне прыборкі тэрыторыі масавага мерапрыемства. У гарвыканкаме палічылі, што гэтыя меры для акцыі з удзелам да тысячы чалавек (як было пазначана ў заяўцы) недастатковыя, а Чарнавус не прадаставіў копіі заключаных дамоваў з адпаведнымі службамі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international