Леанід Кулакоў не збіраецца мірыцца з арыштам свайго аўтамабіля-таксі

2016 2016-04-04T13:22:46+0300 2016-04-04T13:23:23+0300 be http://spring96.org/files/images/sources/kulakou.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кулакоў Леанід

Кулакоў Леанід

Актывіст “Еўрапейскай Беларусі” Леанід Кулакоў абскардзіў дзеянні аддзела прымусовага выканання Першамайскага раёна Мінска аб накладанні арышту на ягоны аўтамабіль. Ён перакананы, што судовыя выканаўцы зрабілі гэта незаконна:

“Дзеянні службовай асобы лічу незаконнымі, паколькі ўказаны аўтамабіль з'яўляецца інвентаром, неабходным для працягу маіх прафесійных заняткаў, i пры гэтым, ягоны кошт не перавышае 1000 базавых велічынь (п.8 Пераліку маёмасці грамадзян, на якое не можа быць звернута спагнанне па выканаўчых дакументах):

паміж мной і ПУП «Антылопа Гну» заключаны дагавор арэнды аўтамабіля з кіроўцам, па якім я перадаў аўтамабіль названаму прадпрыемству і з'яўляюся яго кіроўцам, за што атрымліваю плату па дамове; дадзеным аўтамабілю прысвоены нумар 7 ТАХ 8164. Кошт дадзенага аўтамабіля ў цяперашні час ніжэй за 1 000 базавых велічынь і складае каля 600 базавых велічынь”.

На падставе выкладзенага актывіст просіць пастанову аддзела прымусовага выканання Першамайскага раёна г.Мінска адмяніць, зняць арышт з транспартнага сродку - аўтамабіль Фольксваген Туран 2004 года выпуску.

Нагадаем,1 красавіка грамадзкі актывіст Леанід Кулакоў атрымаў пастанову пра арышт ягонага аўтамабіля ў сувязі з нявыплатай штрафаў за ўдзел у акцыях пратэсту. Аднак штрафы, накладзеныя на яго суд цалкам аплачаныя і ў Кулакова маецца нават копія квітанцыі. Відаць, грошы на адпаведны рахунак пакуль не дайшлі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international