На ўдзельнікаў акцыі каля расійскай амбасады складзена 11 пратаколаў
Пікет супраць расійскага шавінізму і імперыялізму 2 красавіка. Фота Радыё Свабода..
Каля расійскай амбасады ў Мінску 2 красавіка прайшоў пікет супраць расійскага шавінізму і імперыялізму. Акцыя была прымеркаваная да Дня яднання народаў Беларусі і Расіі.
У акцыі, арганізаванай "Маладым фронтам", удзельнічала 11 чалавек. Яны трымалі бел-чырвона-белыя сцягі, сімволіку арганізацыі, а таксама плакаты "Не саюзу з бандай", "Добры сусед — той, які жыве праз плот", "Пуціна ў Гаагу".
Праз пяць хвілін пасля пачатку пікета да яго ўдзельнікаў падышлі супрацоўнікі міліцыі ў форме. У дачыненні да ўсіх удзельнікаў складзеныя адміністрацыйныя пратаколы па арт.23.34 КаАП РБ (Парушэнне парадку арганізацыі або правядзення масавых мерапрыемстваў), - паведаміла прэс-служба ГУУСМінгарвыканкама.
