Мікалай Аўтуховіч: Я і не ведаў, што стаю на прафілактычным уліку

2016 2016-04-01T09:00:26+0300 2016-04-01T11:45:32+0300 be http://spring96.org/files/images/sources/autuhovich-4.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мікалай Аўтуховіч. Фота Радыё Свабода.

Мікалай Аўтуховіч. Фота Радыё Свабода.

“Учора нечакана атрымаў павестку з аддзела правапарадку. Выклікалі нават мінуючы майго ўчастковага. Я таму патэлефанаваў, той толькі рукамі развёў – маўляў, не ведаю, чаму так атрымалася. Таму ў мяне з’явіліся падазрэнні, што, магчыма, гэта звязана з тым, каб я не паехаў 31 сакавіка ў Гродна ў суд над прадпрымальнікам Сяргеем Ламекам”, – распавёў сайту palitviazni.info былы палітвязень Мікалай Аўтуховіч.

У міліцыі Мікалаю Аўтуховічу сказалі, што ён стаіць на прафілактычным уліку.

“Пра гэта я нават і не здагадваўся, – кажа ён. – Адным словам, пагутарылі са мной, папярэдзілі, каб не парушаў закон. “Я ведаю закон і ведаю правы па Канстытуцыі”, – сказаў у адказ. Увогуле, прафілактычны нагляд – гэта назіранне за “ненадзейным” чалавекам, які можа парушыць закон. Выклікаюць на камісію, папярэджваюць. Але што тут папярэджваць?Я ж не хаваюся – жыву, працую”.

Нагадаем, Мікалай Аўтуховіч – прадпрымальнік з Ваўкавыска, ветэран афганскай вайны і грамадскі актывіст. У красавіку 2014 года выйшаў на волю пасля больш чым пяці гадоў зняволення па абвінавачанні ў незаконных дзеяннях у дачыненні да агнястрэльнай зброі, боепрыпасаў і выбуховых рэчываў – у яго было знойдзена пяць патронаў да паляўнічай вінтоўкі. Пасля вызвалення над Аўтуховічам быў устаноўлены прэвентыўны нагляд, але затым яго знялі.

У турме Аўтуховіч адбываў пакаранне двойчы. Першы раз ён быў арыштаваны ў кастрычніку 2005 года па абвінавачанні ў нявыплаце падаткаў і асуджаны на тры з паловай гады пазбаўлення волі.

У абодвух выпадках праваабаронцы прызнавалі Аўтуховіча палітзняволеным, асуджаным за актыўную грамадскую дзейнасць і барацьбу з карупцыяй.

palitviazni.info

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international