Следчыя не змаглі ўстанавіць асоб, якія пры затрыманні зламалі сківіцу “графіцісту” Касінераву

2016 2016-03-24T09:31:33+0300 2016-03-24T09:31:42+0300 be http://spring96.org/files/images/sources/kasinerau.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Вячаслаў Касінераў. Фота: Ірына Арахоўская

Вячаслаў Касінераў. Фота: Ірына Арахоўская

Адзін з фігурантаў па “справе графіцістаў” Вячаслаў Касінераў, які дамагаўся прыцягнення да крымінальнай адказнасці асоб, якія моцна збілі яго пры затрыманні 11 жніўня мінулага года, атрымаў несуцяшальны адказ з Маскоўскага раённага аддзела Следчага камітэта горада Мінска аб прыпыненні папярэдняга следства.

Следчая А. Мельнікава паведаміла: “Крымінальная справа прыпыненая 14 сакавіка ў сувязі з неўстанаўленнем асобы, якая падлягае прыцягненню ў якасці абвінавачанага”.

Такое рашэнне следчых не з’явілася для Касінерава нечаканасцю. Калі 11 студзеня маладога чалавека запрасілі да ўдзелу ў правядзенні апазнання і вочнай стаўкі як пацярпелага, следчая Мельнікава паведаміла Вячаславу, што плануе спыніць справу. Маўляў, не ўдалося апазнаць сярод супрацоўнікаў спецыяльнага атрада хуткага рэагавання ўнутранных войскаў МУС Беларусі таго, хто зламаў юнаку сківіцу.

Каментуючы праваабаронцам гэты крок органа дазнання, Вячаслаў Касінераў не хавае свайго абурэння:

“Уся гэта справа – яшчэ адзін паказчык хлуслівай і бессэнсоўнай "праваахоўнай" сістэмы. У бінарнай перспектыве "чалавек/дзяржава" нам адведзена ў лепшым выпадку роля пасіўных неўдзельнікаў. Спроба падняць вочы і сказаць "не" цемрашальству навокал жорстка караецца, і карнікі ніколі і ні за што не адкажуць. Пакуль мы будзем маўчаць, карнікі могуць нас збіваць, знявечваць беспакарана. І гэты факт сам па сабе палітызуе ўсю сістэму следства. Спадзяюся, спадарыня Мельнікава не будзе здзіўлена, калі яе мужа/дзіценка/брата будзе збіваць міліцыянт, якому пляваць на наступствы, якіх у Беларусі для такіх служак не прадугледжана”.

Нагадаем, 11 жніўня пяцёра хлопцаў былі жорстка затрыманыя па падазрэнні ва ўдзеле па трох крымінальных справах: нанясенню беларуска-моўных графіці “Беларусь мае быць беларускай” і “Рэвалюцыя сьвядомасьці, яна ўжо ідзе…”, а таксама запэцкванню фарбай сацыяльнага бігборда з выявамі супрацоўнікаў міліцыі. Следчы камітэт прад’явіў абвінавачванні Максіму Пякарскаму, Вячаславу Касінераву і Вадзіму Жаромскаму па ч. 2 арт. 339 “Хуліганства, здзейсненае групай асобаў”.

29 студзеня суддзя суду Фрунзенскага раёна Ала Скуратовіч перакваліфікавала абвінавачванне па эпізодзе з псаваннем банера з артыкула 339 Крымінальнага кодэкса на арт. 341 (псаванне маёмасці) і вынесла прысуд: усім прызначаныя штрафы:  Пякарскаму — 40, Касінераву — 30, Жаромскаму — 50 базавых велічынь. Гэты прысуд у Мінгарсудзе абскардзіць не ўдалося.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international