Мы думаем пра Брусель

У сувязі з тэрактамі, якія 22 сакавіка адбыліся ў Бруселі, Праваабарончы цэнтр “Вясна” выказвае спачуванні жыхарам бельгійскай сталіцы, падзяляючы боль з пацярпелымі і сем’ямі загінулых.

Таксама выказваем салідарнасць нашым калегамі з брусельскага офіса Міжнароднай федэрацыі за правы чалавека (FIDH). І спадзяемся, што, нягледзячы на самыя сур’ёзныя выклікі тым універсальным каштоўнасцям, якія мы ўсе падзяляем, агульны еўрапейскі дом здолее застацца бяспечным для людзей розных нацыянальнасцяў і рэлігій.