Шклоўскіх падлеткаў дзеля прафілактыкі злачыннасці звазілі ў калонію
Фота: Аляксандр Саенка
Навучэнцаў ДУА “Сярэдняя школа №1 г. Шклова” звазілі ў выпраўленчую калонію №17 і азнаёмілі з умовамі ўтрымання зняволеных за калючым дротам. Своеасаблівая экскурсія ў Шклоўскую калонію для падлеткаў была арганізавана ў сакавіку ў межах акцыі “Разам супраць наркотыкаў”.
Вучняў азнаёмілі з умовамі ўтрымання зняволеных у штрафным ізалятары калоніі, зладзілі ім сустрэчу з вязнямі, адбываючымі пакаранне па розных артыкулах Крымінальнага кодэкса, у клубе калоніі.
Пасля з прафілактычнай гутаркай перад падлеткамі выступіў супрацоўнік ІК-17 маёр Міхаіл Міхееў, які заклікаў іх быць законапаслухмянымі грамадзянамі, не растрачваць сваё жыццё дарма, цаніць кожнае пражытае імгненне і не губіць сваё здароўе алкаголем, курэннем і наркатычнымі рэчывамі.
Пасля экскурсіі падлеткі адзначылі, што пабыць у калоніі на экскурсіі было цікава, аднак патрапіць туды яшчэ раз у якасці асуджана не жадаз бы ніхто з іх.
