Вярхоўны суд не падтрымаў пазоў ПГА «За справядлівыя выбары» да Мінюста

2016 2016-03-11T12:30:08+0300 2016-03-11T12:30:29+0300 be http://spring96.org/files/images/sources/vs-rb.jpg
Вярхоўны суд Беларусі.

Вярхоўны суд Беларусі.

10 сакавіка Вярхоўны суд не задаволіў скаргу праваабарончага грамадскага аб'яднання «За справядлівыя выбары» на адмову Міністэрства юстыцыі ў афіцыйнай рэгістрацыі.

Адзін з сустаршыняў аргкамітэта па стварэнні арганізацыі Віктар Карняенка лічыць рашэнне ўладаў палітызаваным. «Сістэма вельмі аднастайная. Калі б было палітычнае рашэнне зарэгістраваць арганізацыю, гэта б і зрабіла Міністэрства юстыцыі. А так як першая інстанцыя прыняла рашэнне адмовіць, значыць, астатнія проста прадублявалі яго», - пракаментаваў ён БелаПАН рашэнне Вярхоўнага суда.

Паводле Карняенкі, прычыны адмовы ў рэгістрацыі становяцца з кожным разам «усё больш дзіўнымі і смешнымі». У гэты раз (арганізацыя распачала ўжо чатыры спробы рэгістрацыі) парушэннем былі прызнаныя скарачэння ў банкаўскай плацёжкі, а таксама адсутнасць натарыяльнага завярэння ў гарантыйнага ліста на арэнду памяшкання пад юрыдычны адрас.

«Дзіўна, што гэтыя нібыта памылкі ў дакументах прысутнічалі і пры папярэдняй спробе рэгістрацыі, але тады іх не лічылі парушэннямі. Але нашы аргументы ў разлік не прымаліся », - адзначыў Карняенка.

Аргкамітэт «За справядлівыя выбары» мае намер у чарговы раз правесці ўстаноўчы сход. «Будзем і далей выкрываць беларуская Феміда і чыноўнікаў, што яны наплявацельску ставяцца да міжнародным абавязацельствам краіны, яе Канстытуцыі і правоў грамадзян», - сказаў Карняенка.

Устаноўчы сход ПГА «За справядлівыя выбары» адбыўся 29 лістапада 2015 года ў Мінску. Згодна з праектам статута, арганізацыя «аб'ядноўвае на добраахвотных пачатках грамадзян Беларусі для сумеснай рэалізацыі грамадзянскіх, сацыяльных, культурных і іншых правоў».

Папярэднія спробы рэгістрацыі арганізацыі прадпрымаліся ў 2011, 2013 гадах і лютым 2015 года.

Аргкамітэт тройчы абскардзіў адмову ў рэгістрацыі ў Камітэце ААН па правах чалавека. У 2014 годзе камітэт прызнаў парушэннем міжнародных нормаў рашэнне Міністэрства юстыцыі аб адмове ў дзяржрэгістрацыі аб'яднання "За справядлівыя выбары" ў 2011 годзе. Яшчэ дзве скаргі знаходзяцца на разглядзе Камітэта.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international