ПАСЕ прапанавала ўвесці ў Беларусі мараторый на смяротнае пакаранне

2016 2016-03-10T14:16:58+0300 2016-03-10T18:48:34+0300 be http://spring96.org/files/images/sources/rygoni-andrea.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Cпецдакладчык ПАСЕ па Беларусі Андрэа Рыгоні

Cпецдакладчык ПАСЕ па Беларусі Андрэа Рыгоні

«Свет без смяротнага пакарання не стане слабейшым, ён толькі палепшыцца», - упэўнены прадстаўнік Парламенцкай асамблеі Савета Еўропы Андрэа Рыгоні. Гэта быў адзін з яго аргументаў на міжнароднай канферэнцыі ў Мінску, дзе абмяркоўвалі, чаму наша краіна павінна ўвесці мараторый на выключную меру пакарання. Ён таксама даў зразумець, што такое рашэнне дапаможа больш прадуктыўнаму дыялогу афіцыйнага Мінска з Еўрасаюзам.

Пра гэта паведамляе інтэрнэт-патал Tut.by.

- Мы не патрабуем, каб Беларусь абрала паміж Усходам і Захадам. Тут трэба толькі знайсці баланс. Мы хочам толькі таго, каб у краіне галоўную ролю мелі правы чалавека, - сказаў прадстаўнік ПАСЕ. - Прапануем ўвесці хаця б мараторый на смяротнае пакаранне, каб паскорыць дыялог паміж Беларуссю і Еўропай.

Андрэа Рыгоні нагадаў, што Беларусь пазбавілася гасцявога статусу ў ПАСЕ пасля рэферэндуму 1996 года. Тады больш за 80% нашых грамадзян выказаліся за захаванне выключнай меры пакарання.

Сёння Беларусь застаецца адзінай краінай у Еўропе, дзе ўжываецца смяротнае пакаранне.

- Мы разумеем, што грамадзяне ў Беларусі гэта падтрымліваюць. Але я не думаю, што гэта асноўная перашкода для адмены смяротнага пакарання. Неабходна, каб той, хто кіруе грамадствам, прымушаў яго эвалюцыянаваць, думаць і разважаць. Уся статыстыка кажа аб бескарыснасці смяротнага пакарання. Яна не зніжае ўзроўню злачыннасці, - агучыў пазіцыю ПАСЕ Андрэа Рыгоні. - У Беларусі цяпер гаворка можа ісці аб увядзенні мараторыя як часовай меры. Але мы павінны паспрабаваць і хаця б на год спыніцца.

Рыгоні не выключыў, што мараторый дазволіць Беларусі зноў вярнуцца ў ПАСЕ ў якасці спецыяльнага запрошанага.

У адказ на гэта старшыня рабочай групы беларускага парламента па вывучэнні смяротнай кары Мікалай Самасейка заявіў, што гэтае пытанне не можа быць прадметам палітычнага гандлю.

- ПАСЕ не павінна ставіць нам ультыматумы. Мы павінны абмяркоўваць гэтае пытанне, - сказаў дэпутат.

Праўда, потым дадаў, што дыялог з Еўропай па пытанні смяротнага пакарання быў прыпынены ў 2010. Прычынай сталі санкцыі ЕС у дачыненні да Беларусі.

Мараторый на смяротнае пакаранне можа быць уведзены парламентам ці прэзідэнтам. Але, на думку Самасейкі, грамадства сёння не гатовае да адмены выключнай меры пакарання.

- Мы можам сёння вынесці гэтае пытанне на абмеркаванне ў авальнай зале, але я не гарантую, што яно будзе вырашана станоўча. І гэта будзе толькі крок назад. І яшчэ мы не можам адмахнуцца ад грамадскай думкі, якая ў цяперашні час падтрымлівае смяротнае пакаранне.

Калі грамадства ў цэлым і дэпутаты ў прыватнасці зменяць сваё меркаванне, Мікалай Самасейка спрагназаваць не наважыўся.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international