Уладзімір Познер: Смяротнае пакаранне - гэта помста, больш нічога

2016 2016-02-26T12:36:23+0300 2016-02-26T12:36:23+0300 be http://spring96.org/files/images/sources/pozner.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Познер. Фота: belapan.by

Уладзімір Познер. Фота: belapan.by

Вядомы расійскі журналіст Уладзімір Познер правёў у Мінску 25 лютага творчы вечар і адказаў на пытанні гледачоў. У адным з іх была закранутая тэма смяротнага пакарання.

Як пішуць naviny.by, адна з глядачак у зале ад імя «беларускіх гуманістаў» падарыла Познеру кнігу, прысвечаную праблеме адмены смяротнага пакарання. «У Расійскай Федэрацыі цяпер пачалі гаварыць пра тое, што трэба да гэтага вярнуцца, у Беларусі ж мы змагаемся, каб смяротнае пакаранне адмянілі. Мае калегі, публікацыі якіх вы знойдзеце тут, папрасілі, каб я гэтую кнігу перадала», - сказала яна.

Познер падзякаваў госцю за пытанне і адзначыў, што смяротнае пакаранне з'яўляецца не больш чым актам помсты: «Мы ж хочам помсціць, гэта ж помста, больш нічога».

«У цэлым шэрагу краін зразумелі, што, па-першае, калі вы хрысціянін, то вы не маеце права забіваць, - сказаў журналіст. - У цэлым шэрагу краін смяротнай кары няма ўжо шмат гадоў, і там менш забойстваў, чым тады, калі яна была, гэта статыстычна даказана. Я абсалютна перакананы, што не патрэбна смяротнае пакаранне. Па закону або без закона, адбіраць у чалавека жыццё нельга!»

«Пажыццёвае зняволенне можа быць больш страшным. Ізаляваць назаўжды ад грамадства - гэта страшней, але забіваць нельга», - дадаў ён.

У той жа час Познер звярнуў увагу на тое, што прага крыві - адна з чалавечых рысаў: «Я вас запэўніваю, калі б абвясцілі, што на галоўнай плошчы Мінска заўтра будзе публічнае пакаранне, уяўляеце, колькі там народа набярэцца? Ды ўвесь горад збяжыцца паглядзець! Гэта факт, гэта праўда».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international