На віцебскіх заснавальнікаў партыі БХД ціснуць, каб адмовіліся ад подпісаў

2016 2016-01-18T14:59:43+0300 2016-01-18T18:47:04+0300 be http://spring96.org/files/images/sources/bhd.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

24 снежня аргкамітэт па стварэнні партыі БХД ужо ў шосты раз паспрабаваў зарэгістраваць партыю - падаў у Міністэрства юстыцыі Беларусі спіс больш як 1000 заснавальнікаў і іншыя дакументы. Цяпер на тых, хто падпісаўся ў якасці заснавальніка, пачаўся ціск. Пра такі выпадак распавяла Таццяна Севярынец.

Віцебская каардынатарка аргкамітэту па стварэнні партыі БХД абураная:

“Ціснуць на самых неабароненых, прычым гэта жорсткі маральны ціск. Пенсіянерку Валянціну Скамарохаву, якая працуе ў “Доме дзіцяці”, выклікалі да галоўурача, там у кабінеце сядзелі яшчэ два чалавекі. Сказалі, што яны з Мінюсту. Але для жанчыны сталага веку гэта ж сапраўдны стрэс – выклікалі ж да кіраўніка! Чаму нельга было патэлефанаваць ёй асабіста, спытацца, ці падпісвала яна дакументы? Навошта трэба было распачынаць усё гэтую працэдуру, падчас якой спачатку дапытваліся, ці ставіла спадарыня свой подпіс, а потым узялі нейкую паперку, што яна пакуль не з’яўляецца чальцом партыі”.

Паводле Тацяны Севярынец, былі і іншыя выпадкі, калі праверка сапраўднасці подпісаў абарочвалася стрэсам. Тацяна Севярынец лічыць, што такія праверкі – гэта свядомыя правакацыі, запалохванне і парушэнне правоў грамадзян Рэспублікі Беларусь, якія маюць законнае права на ўдзел у палітычным жыцці краіны.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international