Праваабаронцы падрыхтавалі даведнік для журналістаў

2016 2016-01-14T18:38:23+0300 2016-01-15T11:55:50+0300 be http://spring96.org/files/images/sources/hr-brashura.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У электронным выданні «Праваабарончая дзейнасць у Беларусі» сабраная базавая інфармацыя пра правы чалавека, якая можа быць карысная журналістам у працы з гэтай тэматыкай.

Укладальнікі даведніка ставілі перад сабой задачу даць чытачу агульнае ўяўленне пра правы чалавека і праваабарончую дзейнасць, іх асноўныя характарыстыкі, азнаёміць з глабальнай сістэмай, створанай пад эгідай ААН для прасоўвання і абароны правоў чалавека. Гэтая інфармацыя суправаджаецца карыснымі спасылкамі на асноўныя дакументы ў галіне правоў чалавека, сайты міжнародных праваабарончых механізмаў, няўрадавых арганізацый і прадстаўлена з акцэнтам на абавязальніцтвы беларускай дзяржавы ў рамках гэтых механізмаў абароны правоў чалавека.

Таксама, з практычнага пункту гледжання, журналістам, якія пішуць пра правы чалавека, будзе цікавая і карысная такая частка даведніка як «Праваабаронцы рэкамендуюць журналістам». Там сабраныя спасылкі на тэматычныя даклады, справаздачы, агляды, кіраўніцтвы і іншыя выданні, відэакурсы, якія падрыхтаваныя такімі беларускімі арганізацыямі, як Праваабарончы цэнтр "Вясна", Беларускі Хельсінкскі Камітэт, Цэнтр прававой трансфармацыі Lawtrend, Моладзевая праваабарончая група - Беларусь, у тым ліку з удзелам міжнародных НДА, і адлюстроўваюць сітуацыю з правамі чалавека ў нашай краіне. Таксама рэкамендуюцца брашуры і артыкулы, падрыхтаваныя самімі журналістамі, сябрамі Беларускай асацыяцыі журналістаў, пра тое, як правільна і карэктна асвятляць тую ці іншую тэму. 

Даведнік можна спампаваць у фармаце pdf па гэтай спасылцы.

Даведнік створаны сумеснымі намаганнямі асацыяцыі "Усходнееўрапейскі дэмакратычны цэнтр" і Праваабарончага цэнтра "Вясна" ў рамках супрацоўніцтва з рэдакцыямі рэгіянальных выданняў Беларусі для спрыяння з'яўленню ў рэгіянальнай прэсе больш разнастайных і грунтоўных матэрыялаў на тэму правоў чалавека.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international