Да расстрэлу прысудзілі жыхара Вілейкі, які ўжо быў асуджаны на смерць у савецкі час

2016 2016-01-10T09:25:06+0300 2016-01-10T09:25:06+0300 be http://spring96.org/files/images/sources/smiarotnae21.jpg

У судзе Вілейскага раёна 5 студзеня вынесены смяротны прысуд жыхару Вілейкі, абвінавачанаму ў забойстве сваёй сужыцелькі. У Вілейцы адбылося выязное пасяджэнне суда Мінскай вобласці, які і вынес гэты прысуд.

Абвінавачаны раней быў судзімы за забойства ў савецкія часы. Тады яму вынеслі смяротны прысуд, але пасля скаргі асуджанага ў Вярхоўны Суд, растрэльны прысуд быў зменены на пазбаўленне волі. Паколькі ў СССР не існавала пажыццёвага зняволення, тэрмін склаў не больш за 15 гадоў.

У жыцці абвінавачанага таксама ёсць эпізод нанясення цяжкіх цялесных пашкоджанняў, якія прывялі да смерці пацярпелага.

У гэты раз справа разглядалася па другой частцы артыкула 139 Крымінальнага кодэкса Рэспублікі Беларусь «Забойства, учыненае з асаблівай жорсткасцю».

Дзяржаўнае абвінавачанне ў судзе падтрымліваў супрацоўнік пракуратуры Мінскай вобласці. Ён прасіў суд вынесці абвінавачванаму найвышэйшую меру пакарання.

Суд пагадзіўся з меркаваннем дзяржаўнага абвінаваўцы. Другая частка артыкула 139 Крымінальнага кодэкса Рэспублікі Беларусь, пункт шосты - «Забойства, учыненае з асаблівай жорсткасцю». Караецца пазбаўленнем волі на тэрмін ад 8 да 25 гадоў або пажыццёвым зняволеннем, або смяротным пакараннем.

Прысуд пакуль не ўступіў у законную сілу і можа быць абскарджаны ў Вярхоўны суд Рэспублікі Беларусь.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international