Праваабаронца Наста Лойка распавяла магіляўчанам, як не патрапіць пад міліцэйскае свавольства

2015 2015-12-24T10:35:52+0300 2015-12-24T10:35:52+0300 be http://spring96.org/files/images/sources/loika-magileu-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Наста Лойка.

Наста Лойка.

Ёй актыўна дапамагала зала - як аказалася, сумны досвед зносін з прадстаўнікамі сілавых структур ёсць у многіх.

Лойка, па яе ж словах, паспела прабегчыся толькі па асноўных момантах праблемы.

- У дзве гадзіны мы ўціснулі паўнавартасны аднадзённы семінар. Спадзяюся, калі-небудзь будзе магчымасць больш поўна спыніцца на гэтым пытанні, - сказала праваабаронца падчас лекцыі.

Падчас дыялогу з аўдыторыяй, Наста Лойка закранула правілы зносін з прадстаўнікамі сілавых структур, распавяла пра асноўныя аспекты складання пратаколу і працэсуальных правах, якія ёсць у любога грамадзяніна.

- На жаль, некаторыяміліцыянтызабываюць растлумачваць права тым, каго яны затрымалі. Адбываецца гэта не толькі з-за нежадання - на жаль, часцяком праваахоўнікі самі не ведаюць гэтых правоў, - лічыць Наста. На яе думку, у Беларусі ніхто не застрахаваны ад міліцэйскага самавольства:

- Людзі неяк думаюць, што гэта іх не закране, што калі яны не ўдзельнічаюць у акцыях і не здзяйсняюць нічога супрацьпраўнага, то іх не будуць чапаць. А потым выходзяць у краму за малаком, а іх забіраюць у пастарунак з-за мітынгу, які адбываўся непадалёк. Засталісяпераследыпа палітычных прычынах, засталіся планы пазатрыманнях - гэта ўсё стварае не вельмі добрае асяродзе, - кажа Лойка.

Акрамя лекцыі, удзельнікаў сустрэчы чакала практычная частка. Аўдыторыя спрабавала знайсці памылкі ў копіі сапраўднага пратаколу па адной со спраў, якія мелі месца апошнім часам у Менску. Калі ўважліва чытаць пратакол і весці сабе ўпэўнена, лічыць Наста, "у будучыні можна пазбегнуць несправядлівага пакарання ці зменшыць яго".

- Бачна, што сярод удзельнікаў семінара шмат людзей, якія ўжо мелі кантакты з міліцыяй і судамі, - падзялілася меркаваннем Лойка. На працягу ўсёй сустрэчы магілёўцы, сярод якіх былі і дзеючыя праваабаронцы, прыводзілі прыклады са свайго жыцця, а таксама рабілі важныя дапаўненні.

- Лічу, што семінар атрымаўся, паколькі сабралася дастаткова шмат людзей. Прычым людзей рознага ўзросту, розных інтарэсаў і сацыяльнага становішча. Пры гэтым іх аб'ядноўвала жаданне ведаць, як паводзіць сябе з супрацоўнікамі міліцыі. Гэта значыць, што тэма актуальная. Пасля семінара ўдзельнікі пакідалі станоўчыя водгукі - таму можна сказаць, што ўсё прайшло добра, - заявіла пасля мерапрыемства кіраўнік праваабарончай ініцыятывы «Цукар» Дыяна Якаўлева, арганізатар мерапрыемства.

“Магілёўская Вясна”. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international