Сьветлагорскае раённае спажывецкае таварыства скасавала дамову на продаж у сваіх крамах недзяржаўнай газэты “Регион-вести” (Радыё Свабода).

2003 2003-11-05T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гэта адбылося пасьля таго, як газэту ўбачыў у вясковай краме старшыня райвыканкаму Баляслаў Пірштук.

Недзяржаўную газэту “Регион-вести” ў вясковых крамах Сьветлагорскага раёну пачалі прадаваць напачатку верасьня. Паводле дамовы рэдакцыі і раённага спажывецкага таварыства завозілі яе прыкладна ў тры дзясяткі крамаў, па сутнасьці ў кожную другую з 60 наяўных. Аднак старшыня спажывецкага таварыства Тамара Кандрашова нечакана адмовілася ад продажу газэты ва ўсіх крамах.

Т. Кандрашова патлумачыла рэдактару газэты “Регион-вести” Мікалаю Паседзька, што газэта для сельскіх жыхароў вельмі дарагая, хаця кошт газэты складаў усяго толькі 300 рублёў.

Рэдактар прычыну адмовы бачыць у іншым. У адну з крамаў вёскі Чыркавічы выпадкова заглянуў старшыня Сьветлагорскага райвыканкаму Баляслаў Пірштук і ўбачыў “Регион-вести”. Ён быў вельмі раздражнёны, што незалежная газэта прадаецца менавіта ў крамах сельскай мясцовасьці. Ён тут жа выклікаў да сябе Тамару Кандрашову і загадаў прыбраць газэту з прылаўкаў. Дамову скасавалі ўмомант.

Праблемы ў незалежай газэты ўзьніклі апошнім часам ня толькі з продажам ў крамах. Яе адмовіліся друкаваць у дзяржаўных паліграфічных прадпрыемствах Сьветлагорску, Рэчыцы, Мазыра, Жлобіну і Бабруйска.
Цяпер рэдакцыя вымушаная друкаваць газэту ў менскім выдавецтве “Сьветач”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international