Гомель: падатковая спыніла адміністрацыйную справу ў дачыненні праваабаронцы Леаніда Судаленкі

2015 2015-12-08T08:38:58+0300 2015-12-08T10:44:47+0300 be http://spring96.org/files/images/sources/sudalenka-5.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Судаленка.

Леанід Судаленка.

7 снежня падатковая спыніла адміністрацыйную справу ў дачыненні праваабаронцы Леаніда Судаленкі і выдала адпаведную пастанову. Такое рашэнне было прынятае ў сувязі з «малазначнасцю». Нагадаем, намеснік начальніка Інспекцыі па падатках і зборах па Гомельскаму раёну Марына Барыскіна накіравала праваабаронцу позву аб яўцы 7 снежня ў інспекцыю для ўдзелу ў адміністрацыйным працэсе ў якасці асобы, у дачыненні да якой вядзецца адміністрацыйны працэс. Яго вінавацілі ва ўтойванні ад падаткаабкладання 500 рублёў заробку і 387 024 рублёў атрыманых па акцыях дывідэндаў.

«Я падняў даведкі аб выплаце дывідэндаў, інспекцыя лічыць налічаную суму, у той час як я ўказаў атрыманую – гэта значыць, што падатак 12% з дывідэндаў у мяне ўжо вылічылі. Утойванне 500 рублёў прафсаюзнага заробку за апошнія 10 год з'яўляецца тэхнічнай памылкай. У маіх дзеяннях адсутнічае склад правапарушэння», - адзначыў Леанід Судаленка.

Нагадаем, у лістападзе 2015 года падатковая склала акт камеральнай праверкі, у якім прыйшла да высновы, што праваабаронца ўтойваў заработную плату на 500 рублёў, а таксама ва ўтойванні 387 тысяч рублёў ад атрыманых па акцыях дывідэндаў. Адначасова падатковая праісла Леаніда Судаленку патлумачыць, як і каму ён рэалізоўваў сельскагаспадарчую прадукцыю, ад продажу якой меў грашовы даход за дэклараваны перыяд. Патрабаванне ўзгадаць, каму тры гады таму, у 2012 годзе ён прадаў цыбулю і буракі для праваабаронцы выглядае абсурдна.

Падатковая не першы раз патрабуе ад Леаніда Судаленкі справаздачу. Так, ён мусіў справаздачыцца аб сваіх прыбытках і маёмасці за апошнія тры гады. У 2012 годзе дэкларацыю аб прыбытках і маёмасці за пяць гадоў (2007, 2008, 2009, 2010, 2011) мусілі прадставіць ягоная жонка, цешча і паўнагадовы сын, які на той час служыў у войску.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international