Віцебскія актывісты ўсталявалі крыж на месцы расстрэлаў мірных жыхароў у час Вялікай Айчыннай вайны

2015 2015-12-06T02:22:11+0300 2015-12-06T02:22:11+0300 be http://spring96.org/files/images/sources/vicebsk-barauliany-kryz.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Яны ўсталявалі мемарыяльны крыж каля вёскі Бараўляны Віцебскага раёну. Тут у 1942-44 гадах расстрэльвалі савецкіх грамадзян, аднак у пасляваенны час гэтае месца ніякім чынам не было адзначана для памяці і шанавання.

Паводле сябра КХП БНФ Яна Дзяржаўцава, які і прапанаваў паставіць на гэтым месцы крыж, гэтая ідэя з'явілася ў яго пасля сустрэч з мясцовымі жыхарамі:

"Я шукаў сведкаў або тых, хто чуў пра сталінскія рэпрэсіі ў Віцебскім раёне. Распытваў жыхароў наваколля, бліжэйшага да вёскі Хайсы, дзе былі знойдзены чалавечыя парэшткі. Паводле старажыдаў з Хайсоў, каля іхнай вёскі і адбываліся "сталінскія расстрэлы". А вось жыхары суседняй вёскі Бараўляны расказалі мне пра расстрэлы часу Вялікай Айчыннай вайны. "У 1930-я гады ў нас не расстрэльвалі, аднак фашысты ў час вайны прывозілі людзей і расстрэльвалі за вёскай", - так расказвала Лідзія Сухадольская. Яна жыла ў тую пару ў Бараўлянах, усё памятае і нават паказала нам месца, дзе фашысты расстрэльвалі савецкіх грамадзян".

Крыж актывісты партыі БНФ і КХП БНФ і паставілі якраз у тым месцы, дзе паказала спадарыня Сухадольская – за 200 метраў ад аўтадарогі Р115, якая вядзе з Віцебска ў Гарадок, недалёка ад вясковых могілак, за пару дзесяткаў метраў ад бярозы, якую добра памятае мясцовая жыхарка.

Зрэшты, пра гэтае месца ведалі і ведаюць многія вяскоўцы. Аднак дагэтуль тут не было аніякага знаку, які сведчыў бы пра яшчэ адну трагедыю часоў Вялікай Айчыннай вайны.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international