Праваабаронцы канстатуюць медыйны застой на Салігоршчыне

2015 2015-12-06T02:02:39+0300 2015-12-06T02:02:39+0300 be http://spring96.org/files/images/sources/mass-media-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Салігорскія праваабаронцы канстатуюць працяглы застой у медыйнай сферы рэгіёну. Нават такія важныя для грамадства з’явы, як прэзідэнцкія выбары і балючае падзенне эканомікі, не знайшлі шырокага асвятлення ў мясцовых сродках масавай інфармацыі.

Асаблівасцю мінулай прэзідэнцкай выбарчай кампаніі ў рэгіёне стала не толькі яе пасіўнае асвятленне афіцыйнымі ды наўпрост залежнымі ад уладаў прыватнымі СМІ, але і невялікая цікавасць да выбараў з боку незалежных рэгіянальных медыя рэсурсаў. Паслявыбарчы перыяд таксама не адзначыўся ўздымам на Салігоршчыне журналістыкі вострасацыяльнай ды грамадска-палітычнай скіраванасці. Мясцовыя праваабаронцы кажуць пра зацяжную медыйную стагнацыю.

Выканкамаўская газета “Шахцёр”, дзяржаўны “Салігорскі тэлеканал”, кантраляваныя ўладамі прыватныя сайт “Электронны Салігорск” і газета “Лідэр-Прэс” па-ранейшаму трымаюцца палітыкі самацэнзуры ці нават непрыхаванай дзяржпрапаганды.

Рэгіянальнае выданне “Інфа-кур’ер” дазваляе сабе большую ступень свабоды і часта змяшчае на сваіх старонках артыкулы на балючыя для ўладаў тэмы з нязменна аб’ектыўным асвятленнем фактаў ды падзеяў. Зрэшты, сур’ёзнай вольніцы ў рэдакцыйнай палітыцы не назіраецца, а адсотак вострых матэрыялаў займае невялікую частку.

Найбольшую свабоду слова ў рэгіёне па-ранейшаму маюць сайты “Салігорск Інфа” і САЛІГОРСК.org. У якасці пазітыву праваабаронцы адзначаюць вырашэнне тэхнічных праблемаў і абнаўленне дызайну апошняга. Аднак адсутнасць афіцыйнай рэгістрацыі хоць і дазваляе мець незалежную рэдакцыйную палітыку, аднак пазбаўляе больш шырокіх магчымасцяў для стварэння якасных уласных матэрыялаў, колькасць якіх на гэтых сайтах вельмі абмежаваная.

Бадай адзінай тэмай, пра якую часта пісалі і кантраляваныя ўладамі і незалежныя медыя, была праблема ўшчыльнення гарадской забудовы ў Салігорску. Вось толькі акцэнты на іх старонках розьніліся прынцыпова. Незалежныя СМІ жорстка крытыкавалі палітку ўшчыльнення, а прадзяржаўныя медыі спрабавалі ўсяляк абяліць мясцовыя ўлады ў іх спробах фактычнага знішчэння здаровага навакольнага асяродка ў беларускай сталіцы шахцёраў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international