У Магілёве міліцыя выбачылася перад актывістам за незаконнае затрыманне

2015 2015-12-03T11:29:23+0300 2015-12-03T11:29:23+0300 be http://spring96.org/files/images/sources/milicyjant-5.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Адбылося гэта пасля скаргі, якая паступіла ў пракуратуру.

У Магілёве супрацоўнік міліцыі, які затрымліваў актывіста Беларускай сацыял-дэмакратычнай партыі (Грамады) Мікіту Фартуха, папрасіў у яго прабачэння.

Мікіта Фартух распавядае:

-          Мяне выклікалі ў міліцыю, каб апытаць у сувязі з маёй скаргай, якую я падаў у пракуратуру ў сувязі з маім незаконным затрыманнем, якое адбылося 15 лістапада. Там таксама прысутнічаў і міліцыянер, які мяне затрымліваў. Падчас разбіральніцтва ён папрасіў у мяне прабачэння, і я сказаў, што больш не маю ніякіх прэтэнзій.

У якасці тлумачэння супрацоўнікі міліцыі паведаміў Мікіце, што затрымліваў, сыходзячы з напружанай сітуацыі, якая склалася ў свеце – узброены канфлікт на Данбасе, вайна ў Сірыі, тэракты ў Францыі.

Нагадаем, што 15 лістапада Мікіта Фартух быў затрыманы на Плошчы Зорак у Магілёве падчас збору подпісаў за адмену прэзідэнцкага Дэкрэта №3 “Аб папярэджанні сацыяльнага ўтрыманства”. Актывіст сабраў толькі адзін подпіс, як да яго падыйшлі людзі ў цывільным і спыталі, што ён робіць, а праз некалькі хвілін да яго падыйшоў супрацоўнік міліцыі, які прапанаваў хлопцу прайсці ў пастарунак для разбіральніцтва. Суправаджалі Мікіту Фартуха ў пастарунак асобы ў цывільным, якія раней падыходзілі да яго.

Пасля тлумачэнняў і праверкі сацыял-дэмакрата па міліцэйскай базе Мікіту адпусцілі. У пастарунку ён правёў крыху больш за гадзіну.

Пасля свайго вызвалення з дапамогай праваабаронцы Барыса Бухеля была падрыхтавана скарга ў пракуратуру ў сувязі з незаконным затрыманнем, бо спраўдзіць яго асобу можна было на месцы – у хлопца пры сабе быў пашпарт, акрамя таго ён нічога не рабіў забароненага. Збор подпісаў пад калектыўным зварота грамадзян не з’яўляецца масавым мерапрыемствам. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international